1 Juan 3:23

Ang Biblia 2011

Ug ang iyang sugo mao kini, nga kinahanglang mosalig kita sa ngalan sa iyang Anak nga si Jesu-Cristo ug maghigugmaay kita sa usa ug usa, sumala sa iyang gisugo kanato.

Cross References

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Mateo 22:39

Ug ang ikaduha sama ra niini, Higugmaa ang imong silingan sama sa imong kaugalingon.

Marcos 9:7

Unya dihay usa ka panganod nga milandong kanila, ug dihay tingog gikan sa panganod, “Mao kini ang akong Anak nga pinalangga, pamati kamo kaniya.”

Juan 1:12

Apan ngadto sa tanang midawat kaniya, sa mga mituo sa iyang ngalan, naghatag siya kanila ug katungod sa pagkahimong mga anak sa Dios,

Juan 13:34

Usa ka bag-ong sugo ang akong ihatag kaninyo, nga kamo maghigugmaay sa usa ug usa sama nga gihigugma ko kamo aron maghigugmaay usab kamo sa usa ug usa.

Juan 14:1

“Ayaw kamo kaguol diha sa inyong kasingkasing. Salig kamo sa Dios ug salig usab kamo kanako.

Juan 15:12

“Mao kini ang akong sugo, nga kinahanglang maghigugmaay kamo sa usa ug usa sama nga ako nahigugma kaninyo.

Juan 17:3

Ug mao kini ang kinabuhing dayon, nga sila nakaila kanimo nga mao lamang ang tinuod nga Dios ug kang Jesu-Cristo nga imong gipadala.

Juan 2:23

Samtang didto siya sa Jerusalem panahon sa Kasaulogan sa Pagsaylo, daghan ang mituo sa iyang ngalan sa pagkakita nila sa mga milagro nga iyang gibuhat.

Juan 3:18

Ang nagtuo kaniya dili na hinukman sa silot apan ang wala magtuo hinukman na sa silot, kay wala man siya motuo sa ngalan sa bugtong Anak sa Dios.

Juan 6:29

Si Jesus mitubag kanila, “Ang gipabuhat sa Dios mao kini, nga motuo kamo kaniya nga iyang gipadala.”

Mga Buhat 16:31

Ug sila miingon, “Tuo sa Ginoong Jesus ug maluwas ka, ikaw ug ang imong panimalay.”

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

1 Mga Taga-Tesalonica 4:9

Apan mahitungod sa gugma nga inigsoon, kamo dili na kinahanglan nga sulatan pa, kay kamo natudloan na man sa Dios sa paghigugma sa usa ug usa

1 Timoteo 1:15

Kasaligan ang pulong ug takos nga dawaton sa hingpit, nga si Cristo Jesus mianhi sa kalibotan aron sa pagluwas sa mga makasasala. Ug ako mao ang labaw sa mga makasasala,

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Pedro 4:8

Labaw sa tanan, pagmainiton kamo kanunay sa inyong gugma sa usa ug usa, kay ang gugma magtabon man sa daghang mga sala.

1 Juan 2:7

Mga hinigugma, dili bag-ong sugo kining akong gisulat kaninyo kondili daan kining sugoa nga diha na kaninyo sukad pa sa sinugdan, ang daang sugo mao ang pulong nga inyo nang nadungog.

1 Juan 3:11

Kay ang balita nga inyong nadungog sukad sa sinugdan mao nga kinahanglang maghigugmaay kita sa usa ug usa,

1 Juan 4:15

Si bisan kinsa nga magsugid nga si Jesus mao ang Anak sa Dios, ang Dios magpabilin diha kaniya, ug siya diha sa Dios.

1 Juan 4:21

Ug gikan kaniya nabatonan nato kining maong sugo, nga ang nahigugma sa Dios kinahanglan nga mahigugma usab sa iyang igsoon.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.