1 Juan 3:20

Ang Biblia 2011

sa diha nga sudyaan kita sa atong mga kasingkasing, kay ang Dios labaw pa kay sa atong mga kasingkasing ug siya nahibalo sa tanan.

Cross References

Job 27:6

Akong huptan ang akong pagkamatarong ug dili gayod nako buhian; ang akong kasingkasing dili magsudya kanako samtang buhi pa ako.

Job 33:12

“Tan-awa, niini ikaw dili matarong. Ako motubag kanimo. Ang Dios gamhanan pa kay sa tawo.

Salmo 90:8

Gibutang nimo ang among mga kasal-anan sa imong atubangan, ang among mga sala nga tinago diha sa kahayag sa imong nawong.

Jeremias 17:10

“Ako, ang Ginoo, nagsusi sa hunahuna, ug nagsulay sa kasingkasing, sa paghatag sa tanang tawo sumala sa iyang mga pamaagi, sumala sa bunga sa iyang mga buhat.”

Jeremias 23:24

Makatago ba ang usa ka tawo sa iyang kaugalingon sa mga tago nga dapit nga dili ako makakita kaniya? nag-ingon ang Ginoo. Dili ba nga akong gipuno ang langit ug ang yuta? nag-ingon ang Ginoo.

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Juan 8:9

Apan sa pagkadungog nila niini, sila nagtagsatagsa sa pagpamahawa sugod sa labing tigulang. Ug si Jesus mao na lamang ang nahibilin uban sa babaye nga nagtindog sa iyang atubangan.

Mga Buhat 5:33

Sa pagkadungog nila niini, sila nangasuko ug buot nga mopatay kanila.

Roma 8:34

Kinsa man ang mopakanaog sa hukom? Si Cristo Jesus nga namatay apan nabanhaw gikan sa mga patay, nga anaa karon sa tuo sa Dios, nga nangamuyo gayod alang kanato.

1 Mga Taga-Corinto 4:4

Kay wala akoy nahibaloan nga bisan unsa batok sa akong kaugalingon apan dili pinaagi niini nga ako nahimong matarong, kay ang maghukom kanako mao ang Ginoo.

Tito 3:11

ingon nga ikaw nahibalo nga ang maong tawo nahisalaag ug nagpakasala, hinukman sa iyang kaugalingon.

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.

Mga Hebreo 6:13

Kay sa dihang misaad ang Dios kang Abraham, kay wala may dako pa kay kaniya nga iyang kapanumpaan, siya nanumpa ngadto sa iyang kaugalingon

1 Juan 3:19

Pinaagi niini kita mahibalo nga kita iya sa kamatuoran ug makapasalig sa atong mga kasingkasing diha sa iyang atubangan

1 Juan 3:21

Mga hinigugma, kon ang atong mga kasingkasing dili magsudya kanato, may pagsalig kita diha sa atubangan sa Dios,

1 Juan 4:4

Mga anak, kamo iya sa Dios, ug sila inyo nang gibuntog, kay siya nga anaa kaninyo labaw pa kay kaniya nga ania sa kalibotan.

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.