1 Juan 3:18

Ang Biblia 2011

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

Cross References

Exodo 33:21

Ug ang Ginoo miingon, “Tan-awa, adunay dapit duol kanako diin magtindog ikaw sa ibabaw sa bato.

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Lucas 7:5

kay siya nahigugma sa atong nasod ug siya nagtukod sa atong sinagoga.”

Juan 17:19

Ug tungod kanila ako nagbalaan sa akong kaugalingon aron sila usab mahimong balaan diha sa kamatuoran.

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

Mga Taga-Efeso 4:15

Hinuon sa magsulti kita sa kamatuoran uban sa gugma, magtubo unta kita sa tanang paagi ngadto kang Cristo, nga mao ang ulo.

1 Mga Taga-Tesalonica 1:3

naghinumdom sa inyong buhat sa pagtuo ug pangabudlay sa gugma ug sa malahutayong paglaom diha sa atong Ginoong Jesu-Cristo atubangan sa Dios ug Amahan nato.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.

1 Juan 3:7

Mga anak, kinahanglan nga walay magpahisalaag kaninyo. Ang nagbuhat ug pagkamatarong matarong ingon nga siya matarong.

2 Juan 1:1

Ang pangulo, nganha sa pinili nga ginang ug sa iyang mga anak, nga akong gihigugma diha sa kamatuoran, ug dili lamang ako ra kondili ang tanan usab nga nahibalo sa kamatuoran,

3 Juan 1:1

Ang pangulo, nganha kang Gayo nga hinigugma, nga akong gihigugma diha sa kamatuoran.