1 Juan 3:14

Ang Biblia 2011

Kita nasayod nga kita nakalabang na gikan sa kamatayon ngadto sa kinabuhi, tungod kay kita nahigugma man sa mga igsoon. Siya nga wala mahigugma nagpabilin diha sa kamatayon.

Cross References

Salmo 16:3

Mahitungod sa mga balaan nga ania sa yuta, sila mao ang mga halangdon, nga kanila anaa ang hingpit nako nga kalipay.

Mga Panultihon 21:16

Ang tawo nga naglatagaw gikan sa dalan sa pagpanabot mopahulay diha sa katilingban sa mga patay.

Mateo 25:40

Unya sa pagtubag ang Hari moingon kanila, ‘Sa pagkatinuod, sultihan ko kamo, ingon nga gibuhat ninyo kini ngadto sa usa sa labing ubos niining akong mga igsoon, gibuhat usab ninyo kini kanako.’

Lucas 15:24

Kay kining akong anak namatay ug karon nabuhi pag-usab. Siya nawala apan karon nakit-an na.’ Ug sila misugod sa pagsadya.

Lucas 15:32

Angay gayod ang pagsadya ug paglipay kay kining imong igsoon namatay apan karon nabuhi pag-usab. Siya nawala apan karon nakit-an.’ ”

Lucas 7:5

kay siya nahigugma sa atong nasod ug siya nagtukod sa atong sinagoga.”

Juan 13:35

Tungod niini ang tanang tawo mahibalo nga kamo akong mga tinun-an kon kamo maghigugmaay sa usa ug usa.”

Juan 15:12

“Mao kini ang akong sugo, nga kinahanglang maghigugmaay kamo sa usa ug usa sama nga ako nahigugma kaninyo.

Juan 15:17

Ang akong sugo kaninyo mao kini, nga kinahanglang maghigugmaay kamo sa usa ug usa.

Juan 5:24

Sa pagkatinuod gayod, sultihan ko kamo nga ang namati sa akong pulong ug nagtuo kaniya nga nagpadala kanako may kinabuhi nga dayon ug dili na hukman, apan nakalatas na siya gikan sa kamatayon ngadto sa kinabuhi.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Efeso 1:15

Tungod niini, sa akong pagkadungog mahitungod sa inyong pagtuo sa Ginoong Jesus ug sa inyong gugma alang sa tanang mga balaan,

Mga Taga-Efeso 2:1

Kaniadto kamo patay tungod sa inyong mga kalapasan ug mga kasal-anan.

Mga Taga-Efeso 2:5

bisan sa dihang patay pa kita tungod sa atong mga kasal-anan, naghimo kanato nga buhi uban kang Cristo. Tungod sa grasya giluwas kamo.

Mga Taga-Colosas 1:4

kay kami nakadungog man mahitungod sa inyong pagtuo kang Cristo Jesus ug sa gugma nga inyong nabatonan alang sa tanang mga balaan,

1 Mga Taga-Tesalonica 4:9

Apan mahitungod sa gugma nga inigsoon, kamo dili na kinahanglan nga sulatan pa, kay kamo natudloan na man sa Dios sa paghigugma sa usa ug usa

Mga Hebreo 13:1

Padayon sa inyong inigsoon nga paghigugmaay.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Pedro 3:8

Sa kataposan, kamong tanan, kinahanglang mag-usa sa hunahuna, magbinatiay, maghigugmaay ingon nga mga igsoon, maluluy-on, ug mapaubsanon sa hunahuna,

2 Pedro 1:7

ug sa pagkadiosnon ang pagbati nga inigsoon, ug sa pagbati nga inigsoon ang gugma.

1 Juan 2:3

Ug pinaagi niini kita nahibalo nga kita nakaila kaniya, kon kita nagtuman sa iyang kasugoan.

1 Juan 3:23

Ug ang iyang sugo mao kini, nga kinahanglang mosalig kita sa ngalan sa iyang Anak nga si Jesu-Cristo ug maghigugmaay kita sa usa ug usa, sumala sa iyang gisugo kanato.

1 Juan 4:12

Wala pa gayoy tawo nga nakakita sa Dios; kon kita maghigugmaay sa usa ug usa, ang Dios magpabilin kanato ug ang iyang gugma nahingpit dinhi kanato.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.

1 Juan 5:2

Kita mahibalo nga kita nahigugma sa mga anak sa Dios pinaagi niini, kon mahigugma kita sa Dios ug magtuman sa iyang mga kasugoan.