1 Juan 3:12

Ang Biblia 2011

ug dili sama kang Cain nga iya sa daotan ug mipatay sa iyang igsoon. Ug nganong gipatay man niya ang iyang igsoon? Tungod kay daotan man ang iyang binuhatan ug matarong ang iyang igsoon.

Cross References

Genesis 4:25

Ug si Adan nakighilawas pag-usab sa iyang asawa ug siya nanganak ug usa ka batang lalaki ug gitawag niya ang iyang ngalan nga Seth, kay miingon siya, “Ang Dios mihatag kanako ug usa ka kaliwat nga puli kang Abel nga gipatay ni Cain.”

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Salmo 37:12

Naglaraw ang daotan batok sa matarong, ug nagkagot ang iyang mga ngipon tungod kaniya;

Salmo 38:20

Kadtong mga nagbalos ug daotan sa akong kaayo mga kabatok nako tungod kay nagsunod man ako sa maayo.

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Mga Panultihon 29:10

Ang mga tawo nga giuhaw ug dugo nagdumot kaniya nga dili masaway, ug ang daotan nangita sa iyang kinabuhi.

Mga Panultihon 29:27

Ang dili matarong nga tawo dulumtanan sa matarong, apan siya nga ang dalan tul-id dulumtanan sa daotan.

Mateo 13:19

Sa diha nga ang usa ka tawo makabati sa pulong mahitungod sa gingharian ug dili siya makasabot niini, ang daotan motungha ug mosakmit sa gikasabod diha sa iyang kasingkasing. Kini mao ang nahisabod diha sa daplin sa dalan.

Mateo 13:38

ang uma mao ang kalibotan, ug ang maayong binhi mao ang mga anak sa gingharian, ang mga sagbot mao ang mga anak sa daotan.

Mateo 23:35

aron nga diha kaninyo paninglon ang tanang dugo sa mga matarong nga miagas diha sa yuta sukad pa sa dugo ni Abel nga walay sala hangtod sa dugo ni Zacarias nga anak ni Barakias nga inyong gipatay diha sa taliwala sa balaang dapit ug sa halaran.

Mateo 27:23

Ug siya miingon, “Ngano, unsa may daotan niyang gibuhat?” Apan misamot sila sa pagsinggit nga nag-ingon, “Ilansang siya sa krus!”

Mateo 5:37

Himoa nga ang inyong isulti ‘Oo’ Kon ‘Oo’, ‘Dili’ kon ‘Dili’, kay bisan unsa nga kapin niini naggikan sa daotan.

Lucas 11:51

sukad pa sa dugo ni Abel hangtod sa dugo ni Zacarias nga namatay sa taliwala sa halaran ug sa balaang dapit. Oo, sultihan ko kamo nga paninglon gayod kini gikan niining kaliwatana.

Juan 10:32

Si Jesus mitubag kanila, “Gipakitaan kamo nako ug daghang mga maayong buhat gikan sa Amahan. Unsa ba niining mga buhata ang hinungdan nga inyo akong batoon?”

Juan 8:40

Apan karon nagtinguha kamo sa pagpatay kanako, ang tawo nga nagsugilon kaninyo sa kamatuoran nga akong nadungog gikan sa Dios. Wala magbuhat niini si Abraham.

Juan 8:41

Kamo nagbuhat sa gibuhat sa inyong amahan.” Ug sila miingon kaniya, “Wala kami ipanganak gikan sa salawayong pakighilawas. Usa ra ang among amahan nga mao ang Dios.”

Mga Buhat 7:52

Kinsa ba sa mga propeta ang wala lutosa sa inyong mga katigulangan? Ug ilang gipamatay ang mga nagpropesiya mahitungod sa pag-anhi sa Matarong nga inyo karong gibudhian ug gipatay,

1 Mga Taga-Tesalonica 2:14

Kay kamo, mga igsoon, misundog sa mga iglesia sa Dios nga anaa sa Judea diha kang Cristo Jesus, kay kamo nag-antos man usab sa samang mga butang gikan sa inyong mga katagilungsod sama sa ilang giantos gikan sa mga Judio.

Mga Hebreo 11:4

Tungod sa pagtuo si Abel mihalad ngadto sa Dios sa labaw ka maayo nga halad kay sa kang Cain, nga pinaagi niini siya gipamatud-an ingon nga tawong matarong. Ang Dios nagmatuod niini diha sa pagdawat sa iyang mga halad. Apan tungod niini, bisan ug siya patay na, siya nagsulti pa gihapon.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

1 Pedro 4:4

Sila natingala nga kamo karon dili na makig-uban kanila sa samang pagpatuyang, ug kamo ila nang bugalbugalan.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

Gipadayag 17:6

Ug akong nakita ang babaye nga nahubog sa dugo sa mga balaan ug sa dugo sa mga gipamatay nga mga saksi ni Jesus. Sa akong pagkakita kaniya dako kaayo ang akong kahibulong.