1 Juan 3:10

Ang Biblia 2011

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.

Cross References

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Mateo 13:38

ang uma mao ang kalibotan, ug ang maayong binhi mao ang mga anak sa gingharian, ang mga sagbot mao ang mga anak sa daotan.

Lucas 6:35

Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.

Juan 1:12

Apan ngadto sa tanang midawat kaniya, sa mga mituo sa iyang ngalan, naghatag siya kanila ug katungod sa pagkahimong mga anak sa Dios,

Juan 11:52

ug dili alang sa nasod lamang, kondili sa pagtigom usab aron magkahiusa ang nagkatibulaag nga mga anak sa Dios.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

Roma 13:8

Ayaw kamo pangutang ug bisan unsa kang bisan kinsa, gawas sa paghigugma sa usa ug usa, kay ang nahigugma sa iyang isigkatawo nakatuman sa kasugoan.

Mga Taga-Efeso 5:1

Busa sundog kamo sa Dios, ingon nga mga pinalanggang anak.

Mga Taga-Colosas 3:14

Ug labaw niining tanan isul-ob ang gugma nga mao ang bugkos sa kahingpitan.

1 Timoteo 1:5

Karon ang tumong sa sugo mao ang gugma nga gikan sa putli nga kasingkasing ug sa maayong tanlag ug sa walay pagpakaaron-ingnon nga pagtuo,

1 Juan 2:29

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

1 Juan 3:1

Tan-awa ninyo unsang gugmaha ang gihatag kanato sa Amahan nga kita tawgon nga mga anak sa Dios, ug kita mao. Ang hinungdan ngano nga ang kalibotan wala makaila kanato mao nga kini wala makaila kaniya.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

1 Juan 4:21

Ug gikan kaniya nabatonan nato kining maong sugo, nga ang nahigugma sa Dios kinahanglan nga mahigugma usab sa iyang igsoon.

1 Juan 4:6

Kita iya sa Dios. Ang nakaila sa Dios mamati kanato ug siya nga dili iya sa Dios dili mamati kanato. Pinaagi niini mailhan nato ang espiritu sa kamatuoran ug ang espiritu sa kasaypanan.

1 Juan 4:8

Ang wala mahigugma wala makaila sa Dios kay ang Dios gugma.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.

1 Juan 5:2

Kita mahibalo nga kita nahigugma sa mga anak sa Dios pinaagi niini, kon mahigugma kita sa Dios ug magtuman sa iyang mga kasugoan.

3 Juan 1:11

Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.