1 Juan 2:6

Ang Biblia 2011

Siya nga nag-ingon nga siya anaa kaniya kinahanglan nga magkinabuhi sama sa iyang pagkinabuhi.

Cross References

Salmo 85:13

Ang pagkamatarong mag-una kaniya, ug buhaton niya nga dalan ang iyang mga lakang.

Mateo 11:29

Pas-ana ninyo ang akong yugo ug pagtuon kamo gikan kanako kay ako maaghop ug mapaubsanon sa kasingkasing ug makakaplag kamo ug pahulay alang sa inyong mga kalag.

Juan 13:15

Kay usa ka panig-ingnan ang akong gihatag kaninyo, aron kamo kinahanglang magbuhat usab sama sa akong gibuhat kaninyo.

Juan 15:10

Kon magtuman kamo sa akong mga sugo, magpabilin kamo sa akong gugma, sama nga ako nagtuman sa mga sugo sa akong Amahan ug nagpabilin diha sa iyang gugma.

1 Mga Taga-Corinto 11:1

Sundog kamo kanako, ingon nga ako nagsundog kang Cristo.

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

1 Pedro 2:21

Kay alang niini gitawag kamo, tungod kay si Cristo nag-antos usab alang kaninyo, nga nagbilin kaninyo ug usa ka panag-ingnan aron kamo magsunod sa iyang mga tunob.

1 Juan 2:28

Ug karon, mga anak ko, pabilin kamo diha kaniya aron nga sa dihang ipadayag na unya siya, makabaton kita ug pagsalig ug dili maulaw kaniya inig-abot niya.

1 Juan 2:4

Siya nga nag-ingon, “Ako nakaila kaniya,” apan wala magtuman sa iyang mga sugo, kini siya bakakon, ug wala kaniya ang kamatuoran;

1 Juan 3:24

Ang nagtuman sa iyang kasugoan nagpabilin diha kaniya, ug siya diha kanila. Ug pinaagi niini nahibalo kita nga siya nagpabilin kanato pinaagi sa Espiritu nga iyang gihatag kanato.

1 Juan 3:6

Ang tanan nga nagpabilin diha kaniya dili magpakasala; ang tanan nga nagpakasala wala makakita kaniya o makaila kaniya.

1 Juan 4:17

Pinaagi niini nahingpit ang gugma dinhi kanato, aron kita may pagsalig unya sa adlaw sa paghukom, kay ingon nga siya mao, mao usab kita dinhi sa kalibotan.