1 Juan 2:29

Ang Biblia 2011

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

Cross References

Jeremias 13:23

Makausab ba ang Etiopianhon sa iyang panit o ang leopardo sa iyang mga kabang? Kon mao, kamo nga naanad sa pagbuhat ug daotan makabuhat usab ug maayo.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Juan 1:13

kanila nga nangatawo dili gikan sa dugo o gikan sa pagbuot sa unod o gikan sa pagbuot sa tawo, kondili gikan sa Dios.

Juan 7:18

Si bisan kinsa nga magsulti sa kinaugalingon lamang nangita sa iyang kaugalingong dungog apan si bisan kinsa nga nangita sa dungog sa nagpadala kaniya, matinud-anon ug wala diha kaniya ang pagkabakakon.

Mga Buhat 10:35

Apan diha sa matag nasod, si bisan kinsa nga mahadlok kaniya ug magbuhat sa matarong dawaton niya.

Mga Buhat 22:14

Unya siya miingon, ‘Ang Dios sa atong mga katigulangan nagpili kanimo aron mahibalo ikaw sa iyang kabubut-on, ug makakita kaniya nga Matarong, ug makadungog ug tingog gikan sa iyang baba,

Mga Buhat 3:14

Apan inyong gilimod ang Balaan ug Matarong, ug inyong gipangayo nga maoy buhian alang kaninyo ang usa ka mamumuno,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Hebreo 7:2

ug gibahinan siya ni Abraham ug ikapulo sa tanan. Sumala sa hubad sa iyang ngalan, siya hari sa pagkamatarong, ug unya hari usab siya sa Salem, nga sa ato pa, hari sa kalinaw.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.

1 Pedro 1:23

Kamo gipakatawo pag-usab, dili sa binhi nga madunot, kondili sa binhi nga walay pagkadunot pinaagi sa buhi ug mapadayonong pulong sa Dios,

1 Pedro 1:3

Dalaygon ang Dios ug Amahan sa atong Ginoong Jesu-Cristo! Tungod sa dako niyang kaluoy, kita gipakatawo pag-usab ngadto sa usa ka buhing paglaom pinaagi sa pagkabanhaw ni Jesu-Cristo gikan sa mga patay,

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

2 Pedro 1:4

nga pinaagi niini kita iyang gikahatagan sa bililhon ug dagko nga mga saad, aron nga pinaagi niini kamo makaikyas gikan sa pagkadunot nga ania sa kalibotan tungod sa pangibog ug mangahimo kamong mag-aambit sa diosnong kinaiya.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.

1 Juan 3:5

Kamo nasayod nga siya gipadayag aron sa pagkuha sa mga kasal-anan, ug diha kaniya walay sala.

1 Juan 3:7

Mga anak, kinahanglan nga walay magpahisalaag kaninyo. Ang nagbuhat ug pagkamatarong matarong ingon nga siya matarong.

1 Juan 4:7

Mga hinigugma, maghigugmaay kita sa usa ug usa kay ang gugma iya sa Dios, ug siya nga nahigugma gipakatawo sa Dios ug nakaila sa Dios.

1 Juan 5:1

Ang tanan nga nagtuo nga si Jesus mao ang Cristo gipakatawo gikan sa Dios ug ang tanan nga nahigugma sa nagpakatawo nahigugma usab sa gipakatawo.

1 Juan 5:18

Kita nahibalo nga ang gipakatawo gikan sa Dios dili magpakasala, apan ang gipakatawo gikan sa Dios nagbantay kaniya, ug ang daotan dili makahilabot kaniya.

1 Juan 5:4

Kay ang tanan nga maggikan sa Dios magbuntog sa kalibotan ug ang pagdaog nga nagbuntog sa kalibotan mao kini, ang atong pagtuo.

3 Juan 1:11

Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.