1 Juan 2:27

Ang Biblia 2011

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

Cross References

Mga Panultihon 28:5

Ang daotang mga tawo dili makasabot ug hustisya, apan kadtong nagtinguha sa Ginoo nakasabot niini sa hingpit.

Levitico 7:35

Kini mao ang bahin ni Aaron ug sa iyang mga anak nga lalaki gikan sa mga halad pinaagi sa kalayo alang sa Ginoo, nga gigahin alang kanila sa adlaw nga sila gihalad aron mag-alagad sa Ginoo ingon nga mga pari.

Numeros 7:43

Ang iyang halad usa ka bandihado nga plata nga ang gibug-aton 130 ka siklo ug usa ka planggana nga plata ang gibug-aton 70 ka siklo, sumala sa siklo sa balaang dapit, ang duha puno sa pinong harina nga sinagolan ug lana alang sa halad nga pagkaon,

Mateo 13:11

Mitubag siya nga nag-ingon, “Tungod kay kaninyo gitugot ang pagkahibalo sa mga tinago sa gingharian sa langit apan kanila wala kini itugot.

Juan 14:16

Ug ako mangamuyo sa Amahan, ug kamo iyang hatagan ug laing Manlalaban nga mag-uban kaninyo hangtod sa kahangtoran

Juan 14:17

nga mao ang Espiritu sa kamatuoran, nga ang kalibotan dili makadawat tungod kay ang kalibotan dili man makakita kaniya o makaila kaniya. Kamo nakaila na kaniya kay siya nagpuyo man uban kaninyo ug maanaa sa sulod ninyo.

Juan 14:26

Apan ang Manlalaban, ang Espiritu Santo, nga sa akong ngalan ipadala sa Amahan, siya magtudlo kaninyo sa tanang butang ug magpahinumdom kaninyo sa tanan nga akong gisulti kaninyo.

Juan 16:13

Sa dihang moabot ang Espiritu sa kamatuoran, siya ang magtultol kaninyo ngadto sa tanan nga kamatuoran, kay siya dili magsulti gikan sa iyang kaugalingon apan unsay iyang nadungog iyang isulti, ug ang mga butang nga umaabot iyang ipahibalo kaninyo.

Juan 4:14

apan si bisan kinsa nga moinom sa tubig nga akong ihatag kaniya dili na gayod uhawon hangtod sa kahangtoran kay ang tubig nga akong ihatag kaniya mahimo diha sa sulod niya nga usa ka tubod sa tubig nga mobul-og ngadto sa kinabuhing dayon.”

Juan 6:45

Nasulat diha sa mga Propeta, ‘Ug silang tanan tudloan sa Dios.’ Ang tanan nga nakadungog ug nakakat-on gikan sa Amahan moari kanako.

1 Mga Taga-Corinto 2:12

Apan kita nakadawat dili sa espiritu sa kalibotan kondili sa Espiritu nga gikan sa Dios, aron kita makasabot sa mga butang nga gihatag sa Dios kanato.

1 Mga Taga-Corinto 2:13

Ug kini among gisulti pinaagi sa mga pulong nga wala itudlo sa tawhanong kaalam kondili sa gitudlo sa Espiritu, naghubad sa mga espirituhanong butang ngadto sa mga nagbaton sa Espiritu.

2 Mga Taga-Corinto 1:21

Apan ang Dios mao ang naglig-on kanamo uban kaninyo diha kang Cristo, ug ang nagdihog kanamo.

Mga Taga-Efeso 4:21

kon tinuod man nga kamo nakadungog mahitungod kaniya ug gitudloan diha kaniya, ingon nga ang kamatuoran anaa kang Jesus.

Mga Taga-Colosas 2:6

Busa ingon nga inyong gidawat kaniadto si Cristo Jesus nga Ginoo, pagkinabuhi kamo diha kaniya,

1 Mga Taga-Tesalonica 2:13

Ug kami usab sa walay paghunong nagpasalamat sa Dios tungod niini, kay sa inyong pagdawat sa pulong nga inyong nadungog gikan kanamo nga iya sa Dios, kini inyong gisagop dili ingon nga pulong sa tawo kondili ingon nga mao gayod sa pagkatinuod, ang pulong sa Dios nga naglihok sa sulod ninyo nga mga magtutuo.

1 Mga Taga-Tesalonica 4:9

Apan mahitungod sa gugma nga inigsoon, kamo dili na kinahanglan nga sulatan pa, kay kamo natudloan na man sa Dios sa paghigugma sa usa ug usa

1 Timoteo 2:7

Alang niini ako gitudlo nga magwawali ug apostol (ako nagsulti sa tinuod, wala ako magbakak), magtutudlo sa mga Gentil diha sa pagtuo ug sa kamatuoran.

1 Pedro 1:23

Kamo gipakatawo pag-usab, dili sa binhi nga madunot, kondili sa binhi nga walay pagkadunot pinaagi sa buhi ug mapadayonong pulong sa Dios,

1 Juan 2:28

Ug karon, mga anak ko, pabilin kamo diha kaniya aron nga sa dihang ipadayag na unya siya, makabaton kita ug pagsalig ug dili maulaw kaniya inig-abot niya.

1 Juan 3:24

Ang nagtuman sa iyang kasugoan nagpabilin diha kaniya, ug siya diha kanila. Ug pinaagi niini nahibalo kita nga siya nagpabilin kanato pinaagi sa Espiritu nga iyang gihatag kanato.

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran: