1 Juan 2:24

Ang Biblia 2011

Kinahanglan nga magpabilin diha kaninyo ang inyong nadunggan sukad sa sinugdan. Kon ang inyong nadunggan sukad sa sinugdan magpabilin diha kaninyo, magpabilin kamo diha sa Anak ug sa Amahan.

Cross References

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Mga Panultihon 23:23

Palita ang kamatuoran ug ayaw kini ibaligya; palita ang kaalam, pahimangno ug ang salabotan.

Lucas 1:2

ingon nga kini gitugyan kanamo sa mga tawo nga sukad sa sinugdan mga saksi gayod ug mga alagad sa pulong,

Lucas 9:44

“Ipatidlom kining mga pulonga diha sa inyong mga dalunggan, kay ang Anak sa Tawo itugyan ngadto sa mga kamot sa mga tawo.”

Juan 14:23

Si Jesus mitubag ug miingon kaniya, “Kon ang usa ka tawo nahigugma kanako, siya magtuman sa akong pulong, ug ang akong Amahan mahigugma kaniya ug moanha kami kaniya ug kami mopuyo uban kaniya.

Juan 15:7

Kon kamo magpabilin kanako ug ang akong mga pulong magpabilin kaninyo, pangayo kamo ug bisan unsa nga buot ninyo, ug himoon kini alang kaninyo.

Juan 6:56

Ang mokaon sa akong unod ug moinom sa akong dugo magpabilin kanako ug ako diha kaniya.

Juan 8:25

Ug sila nangutana kaniya, “Kinsa man diay ikaw?” Si Jesus miingon kanila, “Ako nakasugilon na kaninyo sukad pa sa sinugdan.

Mga Taga-Filipos 4:15

Kamong mga taga-Filipos nasayod nga sa pagsugod sa pagsangyaw sa Maayong Balita, sa paggikan nako sa Macedonia, walay iglesia nga nakig-ambit kanako diha sa paghatag ug sa pagdawat gawas kaninyo lamang,

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

Mga Hebreo 2:1

Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini.

Mga Hebreo 3:14

Kay kita nahimong mga mag-aambit kang Cristo, kon ang atong unang pagsalig padayonon gayod nato pagkupot nga malig-on hangtod sa kataposan,

1 Juan 1:3

unsay among nakita ug nadungog among gisangyaw kaninyo, aron kamo usab makabaton sa pakig-ambitay uban kanamo; ug ang atong pakig-ambitay uban sa Amahan ug sa iyang Anak nga si Jesu-Cristo.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 2:7

Mga hinigugma, dili bag-ong sugo kining akong gisulat kaninyo kondili daan kining sugoa nga diha na kaninyo sukad pa sa sinugdan, ang daang sugo mao ang pulong nga inyo nang nadungog.

1 Juan 3:24

Ang nagtuman sa iyang kasugoan nagpabilin diha kaniya, ug siya diha kanila. Ug pinaagi niini nahibalo kita nga siya nagpabilin kanato pinaagi sa Espiritu nga iyang gihatag kanato.

1 Juan 4:13

Mahibaloan nato nga kita nagpabilin diha kaniya ug siya dinhi kanato pinaagi niini: tungod kay kita iya mang gihatagan sa iyang Espiritu.

1 Juan 4:15

Si bisan kinsa nga magsugid nga si Jesus mao ang Anak sa Dios, ang Dios magpabilin diha kaniya, ug siya diha sa Dios.

1 Juan 4:16

Kita nahibalo ug nagtuo sa gugma nga gibatonan sa Dios alang kanato. Ang Dios gugma ug ang nagpabilin sa gugma nagpabilin sa Dios ug ang Dios nagpabilin diha kaniya.

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran:

2 Juan 1:9

Ang tanan nga mag-una ug dili magpabilin diha sa pagtulun-an ni Cristo, wala makabaton sa Dios. Siya nga nagpabilin sa pagtulun-an ni Cristo, nakabaton sa Amahan ug sa Anak.

3 Juan 1:3

Gikalipay ko gayod ug dako ang pag-abot sa mga igsoon ug ang ilang pagpamatuod sa pagkamatinud-anon sa imong kinabuhi, ingon nga ikaw nagkinabuhi diha sa kamatuoran.

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.

Gipadayag 3:3

Busa hinumdomi ang imong nadawat ug nadungog; tumana kini ug paghinulsol. Kay kon dili ka man magmata, moanha ako sama sa kawatan, ug dili nimo mahibaloan ang takna sa akong pag-anha kanimo.