1 Juan 2:18

Ang Biblia 2011

Mga anak, kini karon mao na ang kataposang takna ug sumala sa inyo nang nadungog nga moabot ang kaaway ni Cristo, bisan karon daghan man ang mga kaaway ni Cristo nga nanungha, busa kita nahibalo nga karon mao na ang kataposang takna.

Cross References

Mateo 24:11

Ug motungha ang daghang mini nga mga propeta ug magpasaag sa daghan.

Mateo 24:24

Kay motungha ang mga mini nga Cristo ug mga mini nga propeta ug magpakita sila ug dagkong mga ilhanan ug mga katingalahan aron pagpasaag, kon mahimo, bisan pa sa mga pinili.

Mateo 24:5

Kay daghan unya ang moabot nga magdala sa akong ngalan nga moingon, ‘Ako mao ang Cristo,’ ug daghan ang ilang mapasaag kanila.

Marcos 13:6

Daghan unya ang motungha nga magdala sa akong ngalan, ug mag-ingon, ‘Ako mao ang Cristo!’ Ug daghan ang ilang pahisalaagon.

Juan 21:5

Ug si Jesus miingon kanila, “Mga anak, wala pa ba kamo makakuha ug isda?” Sila mitubag kaniya, “Wala.”

Roma 13:11

Ug gawas pa niini, kamo nahibalo sa takna, nga panahon na alang kaninyo sa pagmata gikan sa pagkatulog kay karon duol na kanato ang kaluwasan kay sa dihang mituo kita.

Roma 13:12

Ang kagabhion hapit na matapos ug ang adlaw nagsingabot na. Busa isalikway nato ang mga buhat sa kangitngit ug isul-ob nato ang mga hinagiban sa kahayag.

Mga Hebreo 1:2

Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.

1 Pedro 1:20

Gigahin na siyang daan bisan sa wala pa mabuhat ang kalibotan, apan gipadayag niining ulahing mga panahon tungod ug alang kaninyo.

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.

1 Pedro 4:7

Ang kataposan sa tanang butang nagkaduol na, busa batoni ninyo ang maayong panghunahuna ug maayong panimuot alang sa mga pag-ampo.

2 Pedro 2:1

Apan may mga mini nga propeta usab diha sa katawhan, sama nga aduna unyay mga mini nga magtutudlo diha kaninyo nga sa tago magpasulod sa mga makadaot nga lahing pagtulun-an ug maglimod pa gani sa Agalon nga maoy nagpalit kanila, ug magdalag kalit nga kalaglagan diha sa ilang kaugalingon.

2 Pedro 3:3

Una sa tanan kinahanglan nga inyong mahibaloan nga sa ulahing mga adlaw adunay mga mabiaybiayon nga manungha, magkinabuhi sumala sa ilang kaugalingong kahidlaw

1 Juan 2:22

Kinsa ba ang bakakon kondili siya nga naglimod nga si Jesus mao ang Cristo? Ang kaaway ni Cristo mao kini siya: ang wala moangkon sa Amahan ug sa Anak.

1 Juan 4:1

Mga hinigugma, ayaw ninyo tuohi ang tanang espiritu, apan sulayi ninyo ang mga espiritu kon sila iya ba sa Dios kay daghan ang mga mini nga propeta nga nanungha sa kalibotan.

1 Juan 4:3

ug ang matag espiritu nga wala mag-ila kang Jesus, dili iya sa Dios. Kini mao ang espiritu sa kaaway ni Cristo nga inyong nadungog nga moanhi ug kini siya ania na sa kalibotan.

2 Juan 1:7

Kay daghang mga malimbongon ang nanungha sa kalibotan, mga tawo nga wala mag-ila nga si Jesu-Cristo mianhi pinaagi sa unod. Mao kini ang malimbongon ug ang kaaway ni Cristo.

Judas 1:18

kay sila miingon kaninyo, “Sa kataposang panahon may manungha nga mga mayubiton, nagpahiuyon sa ilang dili diosnon nga mga pangibog.”