1 Juan 2:16

Ang Biblia 2011

Kay ang tanan nga anaa sa kalibotan, ang pangibog sa unod ug ang pangibog sa mga mata ug ang garbo sa kinabuhi, dili gikan sa Amahan kondili sa kalibotan.

Cross References

Genesis 3:6

Ug sa dihang nakita sa babaye nga ang kahoy maayong kaonon ug nga kini makalipay sa mga mata ug nga ang kahoy angay nga tinguhaon aron mahimong maalamon, mikuha siya sa bunga niini ug mikaon. Ug gihatagan niya ang iyang bana nga uban kaniya ug mikaon siya.

Genesis 6:2

ang mga anak nga lalaki sa Dios nakakita nga ang mga anak nga babaye sa mga tawo maanyag ug nangasawa sila sumala sa ilang napili.

Job 31:1

“Ako naghimo ug pakigsaad uban sa akong mga mata; unsaon man nako pagsud-ong sa usa ka ulay?

Salmo 73:6

Busa ang garbo mao ang ilang kuwentas; ang pagpanglupig nagtabon kanila sama sa usa ka bisti.

Salmo 78:18

Ilang gisulayan ang Dios diha sa ilang kasingkasing pinaagi sa pagpangayo sa pagkaon nga ilang gitinguha.

Salmo 78:30

Apan sa wala pa sila matagbaw, samtang diha pa sa ilang baba ang ilang pagkaon,

Mga Panultihon 27:20

Ang Sheol ug ang Abadon dili gayod matagbaw, ug dili gayod matagbaw ang mga mata sa tawo.

Mga Panultihon 6:25

Ayaw tinguhaa ang iyang kaanyag diha sa imong kasingkasing, ug ayaw pagpabihag kaniya pinaagi sa mga tabontabon sa iyang mga mata;

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Numeros 11:34

Busa ang ngalan niadtong dapita gitawag ug Kibrot-hataava, tungod kay didto gilubong nila ang katawhan nga gihidlaw.

Numeros 11:4

Ug ang nagkalainlaing panon sa katawhan nga uban kanila gibati ug hilabihang kahidlaw ug ang katawhan sa Israel mituaw pag-usab ug miingon, “Maayo unta ug may karne kitang makaon!

Mateo 4:8

Unya gidala na usab siya sa yawa ngadto sa usa ka habog kaayong bukid ug kaniya iyang gipakita ang tanang gingharian sa kalibotan ug ang ilang kahimayaan,

Mateo 5:28

Apan sultihan ko kamo nga ang tanan nga motan-aw ug babaye uban ang kaulag, nakapanapaw na kaniya diha sa sulod sa iyang kasingkasing.

Lucas 4:5

Unya gidala siya sa yawa ngadto sa itaas ug sa daklit gipakita kaniya ang tanang mga gingharian sa kalibotan,

Roma 13:14

Apan isul-ob ninyo ang Ginoong Jesu-Cristo, ug ayaw tagda ang unod alang sa mga pangibog niini.

1 Mga Taga-Corinto 10:6

Ug kining mga butanga mga pasidaan alang kanato, aron dili kita mangandoy ug mga daotang butang ingon sa ilang gibuhat.

Mga Taga-Galacia 5:17

Kay ang mga tinguha sa unod supak sa Espiritu, ug ang Espiritu supak sa unod, kay kini silang duha nagkasumpaki sa usa ug usa, aron dili kamo makahimo sa buot ninyong buhaton.

Mga Taga-Galacia 5:24

Ug ang mga iya ni Cristo Jesus naglansang sa ilang unod diha sa krus uban ang mga pangibog ug mga tinguha niini.

Mga Taga-Efeso 2:3

Kauban nila, kitang tanan nagkinabuhi kaniadto diha sa mga pangibog sa atong unod, mga masinugtanon sa mga pangandoy sa unod ug sa hunahuna, ug busa sa kinaiya mga anak kita sa kaligutgot sama sa uban.

Tito 2:12

nagtudlo kanato sa pagbiya sa pagkadili diosnon ug sa mga pangibog nga kalibotanon ug sa pagkinabuhi nga mapinugnganon sa kaugalingon, matarong ug diosnon niining panahona karon,

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

Santiago 3:15

Dili kini mao ang kaalam nga naggikan sa kahitas-an kondili yutan-on, tawhanon ug yawan-on.

Santiago 4:16

Apan karon nanghambog kamo sa inyong pagkaandakan. Daotan ang maong pagpangandak.

Josue 7:21

Sa akong pagkakita, uban sa mga nangaguba, sa usa ka matahom nga kupo gikan sa Sinar ug duha ka gatos ka siklo nga plata ug usa ka barita nga bulawan nga 50 ka siklo ang gibug-aton, naibog ako niini ug akong gikuha. Ug ania, akong gilubong sa yuta sulod sa akong tolda uban sa plata nga anaa sa ilalom.”

1 Pedro 1:14

Ingon nga mga anak nga masinugtanon, ayaw kamo pagpahiuyon sa mga pangibog kaniadto sa wala pa kamoy kahibalo.

1 Pedro 2:11

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

2 Pedro 2:10

labi na gayod ang mga nagkinabuhi sumala sa unod diha sa makahugaw nga kaulag ug ang mga nagsalikway sa awtoridad. Sila mapangahason ug mapahitas-on, walay kahadlok sa pagpasipala sa mga halangdon,

2 Pedro 2:18

Kay sa dihang magsulti sila ug mga pagpanghambog, pinaagi sa mapatuyangong kahidlaw sa lawas nangdani sila sa mga tawo nga hapit na makalingkawas gikan sa nagkinabuhi sa kasaypanan.