1 Juan 2:12

Ang Biblia 2011

Nagsulat ako kaninyo, mga anak, kay ang inyong mga sala gipasaylo na tungod sa iyang ngalan.

Cross References

Salmo 106:8

Bisan pa niana giluwas niya sila tungod ug alang sa iyang ngalan, aron iyang ikapadayag ang iyang dakong gahom.

Salmo 25:11

Tungod ug alang sa imong ngalan, O Ginoo, pasayloa ang akong kasal-anan kay kini dako man kaayo.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Lucas 5:20

Sa pagkakita niya sa ilang pagsalig, miingon siya, “Tawo, ang imong mga sala gipasaylo na.”

Mga Buhat 10:43

Kaniya ang tanang mga propeta nagpamatuod nga ang tanang motuo kaniya makadawat sa kapasayloan sa mga sala pinaagi sa iyang ngalan.”

Mga Buhat 13:38

Busa, mga igsoon, kinahanglan nga inyong mahibaloan nga pinaagi niining tawhana ang kapasayloan sa mga sala gisangyaw kaninyo,

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

Mga Taga-Efeso 1:7

Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios

Mga Taga-Efeso 4:32

apan pagmaluluy-on kamo sa usa ug usa, ug lumo ug kasingkasing, mapinasayloon sa usa ug usa, ingon nga kamo gipasaylo sa Dios tungod kang Cristo.

Mga Taga-Colosas 1:14

nga diha kaniya kita nakabaton sa pagkatinubos, sa kapasayloan sa mga sala.

1 Juan 1:4

Ug kini gisulat namo aron mahingpit ang among kalipay.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 1:9

Kon isugid nato ang atong mga sala, siya kasaligan ug matarong nga mopasaylo kanato sa atong mga sala ug maghinlo kanato gikan sa tanang pagkadili matarong.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.

1 Juan 2:21

Ako wala magsulat kaninyo tungod kay wala kamo mahibalo sa kamatuoran, kondili tungod kay kamo nahibalo na niini ug nga walay bakak nga naggikan sa kamatuoran.

1 Juan 2:7

Mga hinigugma, dili bag-ong sugo kining akong gisulat kaninyo kondili daan kining sugoa nga diha na kaninyo sukad pa sa sinugdan, ang daang sugo mao ang pulong nga inyo nang nadungog.