1 Juan 2:11

Ang Biblia 2011

Apan siya nga nagdumot sa iyang igsoon, anaa sa kangitngit ug naglakaw diha sa kangitngit ug wala siya mahibalo kon asa siya padulong, kay ang kangitngit mibuta man sa iyang mga mata.

Cross References

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Mga Panultihon 4:19

Ang dalan sa daotan sama sa hilabihan nga kangitngit; sila dili mahibalo kon unsa ang ilang napandolan.

Ecclesiastes 2:14

Ang mga mata sa tawo nga maalamon anaa sa iyang ulo, ug ang buangbuang naglakaw sa kangitngit, ug bisan pa niana, akong nasayran nga usa lamang ang dangatan nilang tanan.

Levitico 19:17

“Ayaw pagdumot sa imong igsoon diha sa imong kasingkasing. Badlonga ang imong isigkatawo, kay tingali unya ug magpas-an ikaw ug sala tungod kaniya.

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

2 Mga Taga-Corinto 3:14

Apan ang ilang mga salabotan gipagahi kay bisan pa hangtod niining mga adlawa karon, sa dihang magbasa sila sa daan nga kasabotan, ang maong tabon nagpabilin gihapon, kay kini makuha man lamang pinaagi kang Cristo.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

2 Pedro 1:9

Kay si bisan kinsa nga nakulangan niining mga butanga buta ug igo lamang makakita sa duol ug nakalimot nga siya nahinloan na gikan sa iyang mga sala kaniadto.

1 Juan 1:6

Kon kita mag-ingon nga may pakig-ambitay kita uban kaniya apan naglakaw kita diha sa kangitngit, namakak kita ug wala magsubay sa kamatuoran.

1 Juan 2:10

Siya nga nahigugma sa iyang igsoon nagpabilin diha sa kahayag, ug diha kaniya walay bisan unsa nga kapandolan.

1 Juan 2:9

Siya nga nag-ingon nga anaa siya sa kahayag apan nagdumot sa iyang igsoon, kini siya anaa pa gihapon sa kangitngit.

1 Juan 3:15

Ang tanan nga nagdumot sa iyang igsoon mamumuno, ug kamo nasayod nga ang matag mamumuno walay kinabuhing dayon nga nagpabilin diha kaniya.

1 Juan 4:20

Kon adunay moingon, “Ako nahigugma sa Dios,” apan nagdumot sa iyang igsoon, bakakon siya. Kay siya nga wala mahigugma sa iyang igsoon nga iyang nakita, dili gayod makahimo sa paghigugma sa Dios nga wala niya makita.

Gipadayag 3:17

Kay ikaw nag-ingon, “Ako dato, ako mauswagon ug walay nakulang kanako;” ug wala ka mahibalo nga ikaw alaot, makaluluoy, kabos, buta ug hubo.