1 Juan 1:10

Ang Biblia 2011

Kon kita mag-ingon nga wala kita makasala, siya atong gihimong bakakon ug wala kanato ang iyang pulong.

Cross References

Job 15:14

Unsa ba ang tawo nga mahimo siyang hinlo? O siya nga gipanganak sa babaye nga mahimo siyang matarong?

Job 24:25

Kon kini dili tinuod, kinsa ang mopamatuod nga ako bakakon, ug mopadayag nga ang akong pakigpulong walay bili?”

Salmo 130:3

Kon ikaw, O Ginoo, nagtimaan pa unta sa mga kasal-anan, O Ginoo, kinsa ba ang makasugakod?

Jeremias 2:35

ikaw nag-ingon, ‘Ako walay sala; sa pagkatinuod ang iyang kasuko mipalayo kanako.’ Tan-awa, hukman ko ikaw sa imong pag-ingon, ‘Ako wala makasala.’

Juan 3:33

Ang nagdawat sa iyang pagpamatuod nagbutang sa iyang timaan niini nga ang Dios matinud-anon.

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

1 Juan 1:8

Kon kita mag-ingon nga wala kitay sala, gilimbongan nato ang atong kaugalingon ug wala kanato ang kamatuoran.

1 Juan 2:14

Gisulatan ko kamo, mga amahan, kay kamo nakaila man kaniya nga diha na sukad pa sa sinugdan. Gisulatan ko kamo, mga batan-on, kay kamo kusgan man, ug ang pulong sa Dios nagpabilin diha kaninyo, ug inyo nang nabuntog ang daotan.

1 Juan 2:4

Siya nga nag-ingon, “Ako nakaila kaniya,” apan wala magtuman sa iyang mga sugo, kini siya bakakon, ug wala kaniya ang kamatuoran;

1 Juan 4:4

Mga anak, kamo iya sa Dios, ug sila inyo nang gibuntog, kay siya nga anaa kaninyo labaw pa kay kaniya nga ania sa kalibotan.

1 Juan 5:10

Ang nagtuo sa Anak sa Dios nagbaton sa pamatuod diha sa iyang kaugalingon. Ang wala magtuo sa Dios, naghimo kaniya nga bakakon, kay wala man niya tuohi ang pamatuod nga gihimo sa Dios mahitungod sa iyang Anak.

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran: