1 Mga Taga-Corinto 9:5

Ang Biblia 2011

Wala ba god kami katungod sa pagdala ug asawa nga magtutuo sama sa gibuhat sa ubang mga apostoles ug sa mga igsoon sa Ginoo ug ni Cefas?

Cross References

Awit sa mga Awit 4:12

Usa ka tanaman nga tinak-opan ang akong igsoon, akong pangasaw-onon, usa ka tanaman nga tinak-opan, tuboran nga gitakpan.

Mateo 13:55

Dili ba siya mao man ang anak sa panday? Dili ba ang iyang inahan ginganlan ug Maria? Ug dili ba ang iyang mga igsoong lalaki mao man sila si Santiago ug si Jose ug si Simon ug si Judas?

Mateo 8:14

Sa pagsulod ni Jesus sa balay ni Pedro, nakita niya ang ugangang babaye niini nga naghigda ug gihilantan

Marcos 1:30

Ang babayeng ugangan ni Simon naghigda kay gihilantan man, ug gisuginlan dayon nila si Jesus mahitungod kaniya.

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Lucas 6:15

si Mateo, si Tomas, si Santiago nga anak ni Alfeo, ug si Simon nga gitawag ug Zelote,

Lucas 8:20

Ug siya giingnan, “Ang imong inahan ug ang imong mga igsoong lalaki nagtindog sa gawas, buot nga makigkita kanimo.”

Juan 1:42

Gidala niya siya ngadto kang Jesus. Ug si Jesus mitan-aw kaniya ug miingon, “Ikaw si Simon nga anak ni Juan. Tawgon na ikaw ug Cefas” (nga sa ato pa, Pedro).

Juan 2:12

Human niini, milugsong siya ngadto sa Capernaum uban sa iyang inahan ug sa iyang mga igsoon ug sa iyang mga tinun-an ug didto mipabilin sila sulod sa pipila ka adlaw.

Mga Buhat 1:14

Kini silang tanan nagpadayon sa paghiusa sa pag-ampo, kauban sa mga babaye ug kang Maria nga inahan ni Jesus ug sa iyang mga igsoong lalaki.

Roma 16:1

Ipaila nako kaninyo ang atong igsoon nga si Phoebe, usa ka alagad sa iglesia sa Cencrea,

1 Mga Taga-Corinto 1:12

Ako nagsulti niini karon kay ang matag usa kaninyo nag-ingon, “Ako iya ni Pablo,” o “Ako iya ni Apolos,” o “Ako iya ni Cefas,” o “Ako iya ni Cristo.”

1 Mga Taga-Corinto 7:15

Apan kon ang dili magtutuo buot man mobulag, pabulaga siya kay ang bana o asawa nga magtutuo wala maulipon sa maong kaminyoon. Kay kita gitawag sa Dios ngadto sa kalinaw.

1 Mga Taga-Corinto 7:39

Ang asawa nabugkos ngadto sa iyang bana samtang kini magpabilin nga buhi. Apan kon ang bana mamatay, siya may kagawasan sa pagpamana kang bisan kinsa nga buot niya, diha lamang sa Ginoo.

1 Mga Taga-Corinto 7:7

Hinuon buot ako nga ang tanang tawo mahisama unta kanako. Apan ang matag usa adunay iyang kaugalingong hiyas gikan sa Dios, ang usa alang sa usa ka matang ug ang usa alang sa lain.

1 Mga Taga-Corinto 7:8

Alang sa mga dili minyo ug sa mga biyuda ako moingon nga maayo alang kanila nga magpabilin nga mag-inusara sama kanako.

Mga Taga-Galacia 1:19

Apan wala akoy nakita sa ubang mga apostoles gawas kang Santiago nga igsoon sa Ginoo.

1 Timoteo 3:2

Ang pangulo sa iglesia kinahanglan nga dili salawayon, bana sa usa ka asawa, mapinugnganon sa kaugalingon, buotan, ligdong, maabiabihon, maayo sa pagpanudlo,

1 Timoteo 4:3

nga magdili sa pagminyo, magdili sa mga pagkaon nga gibuhat sa Dios nga dawaton uban sa pagpasalamat sa mga magtutuo ug nahibalo sa kamatuoran.

1 Timoteo 5:2

ang mga babayeng gulang ingon nga mga inahan ug ang mga batan-ong babaye ingon nga mga igsoon diha sa tanang kaputli.

Tito 1:6

kon adunay dili masaway, bana sa usa lamang ka asawa, nga ang mga anak mga magtutuo ug wala ikasumbong sa pagkamapatuyangon o pagkamasupilon.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.