1 Mga Taga-Corinto 9:21

Ang Biblia 2011

Ngadto kanila nga walay Balaod, ako nahimong ingon nga walay Balaod, bisan tuod ug ako dili ingon nga walay Balaod sa Dios apan nailalom sa Balaod ni Cristo, aron makabig nako sila nga walay balaod.

Cross References

Salmo 119:32

Ako modagan diha sa dalan sa imong kasugoan, sa diha nga imong padak-an ang akong pagpanabot!

Mga Buhat 15:28

Kay giisip sa Espiritu Santo ug namo nga dili maayo ang pagsangon kaninyo ug palas-anon nga bug-at pa kay niining mga butang nga gikinahanglan:

Mga Buhat 16:4

Sa ilang pagpadayon agi sa mga kalungsoran, ilang gihatod ngadto sa mga kaigsoonan aron tumanon ang mga lagda nga gikauyonan sa mga apostoles ug mga kadagkoan nga didto sa Jerusalem.

Mga Buhat 21:25

Apan mahitungod sa mga Gentil nga mituo, nagpadala kami ug sulat uban sa among hukom nga kinahanglan silang maglikay gikan sa bisan unsa nga gihalad ngadto sa mga diosdios, ug sa dugo, ug gikan sa tinuok, ug sa salawayong pakighilawas.”

Roma 2:12

Ang tanang nakasala nga wala ang Balaod mangalaglag nga wala ang Balaod, ug ang tanang nakasala diha sa Balaod hukman pinaagi sa Balaod.

Roma 2:14

Kon ang mga Gentil nga kanila wala ang Balaod nagbuhat sa gimbut-an sa balaod sa ila lamang kinaugalingon, kana balaod na nganha sa ilang kaugalingon, bisan ug wala kanila ang Balaod.

Roma 7:22

Kay sa kinasuloran sa akong pagkatawo gikalipay nako ang balaod sa Dios,

Roma 7:25

Salamat sa Dios pinaagi kang Jesu-Cristo nga atong Ginoo! Busa pinaagi sa akong salabotan ako gayod nag-alagad sa balaod sa Dios apan diha sa akong lawas ako nag-alagad sa balaod sa sala.

Roma 8:4

aron nga ang matarong nga gimbut-an sa Balaod matuman diha kanato nga wala magkinabuhi sumala sa unod kondili sumala sa Espiritu.

Mga Taga-Galacia 3:2

Kini lamang ang buot nako nga masayran gikan kaninyo: Pinaagi ba sa mga buhat sa Balaod kamo nagdawat sa Espiritu o pinaagi ba sa pagpamati uban sa pagtuo?

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

Mga Hebreo 8:10

Kay mao kini ang kasabotan nga akong himoon uban sa balay ni Israel human niadtong mga adlawa, nag-ingon ang Ginoo: Ibutang nako ang akong mga balaod sulod sa ilang mga salabotan, ug isulat nako kini diha sa ilang mga kasingkasing, ug ako mahimo nga ilang Dios, ug sila mahimo nga akong katawhan.