1 Mga Taga-Corinto 9:20

Ang Biblia 2011

Ngadto sa mga Judio ako nahimong ingon nga Judio aron makabig nako ang mga Judio; ngadto sa mga nailalom sa Balaod ako nahimong ingon nga nailalom sa Balaod, bisan tuod ug ako dili ilalom sa Balaod, aron makabig ko ang mga nailalom sa Balaod.

Cross References

Mga Buhat 16:3

Buot ni Pablo nga si Timoteo mouban kaniya, busa gidala niya siya ug gituli tungod sa mga Judio nga didto niadtong mga dapita, kay silang tanan nahibalo nga ang iyang amahan usa ka Grego.

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Roma 11:14

aron mapasina nako ang akong mga isigka-Judio, basin pa lamang nga maluwas ang uban kanila.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Mga Taga-Galacia 2:19

Kay pinaagi sa Balaod, ako patay na sa Balaod, aron ako mabuhi alang sa Dios.

Mga Taga-Galacia 4:21

Sultihi ako, kamo nga buot magpailalom sa Balaod, wala ba kamo makabati sa Balaod?

Mga Taga-Galacia 4:5

aron pagtubos sa mga nailalom sa Balaod, aron atong madawat ang pagkasinagop ingon nga mga anak.

Mga Taga-Galacia 5:18

Apan kon kamo gimandoan sa Espiritu, kamo dili ilalom sa Balaod.