1 Mga Taga-Corinto 9:19

Ang Biblia 2011

Kay bisan tuod ug ako gawasnon gikan sa tanan, nagpaulipon ako sa tanan aron makabig unta nako ang labaw pa ka daghan.

Cross References

Mga Panultihon 11:30

Ang bunga sa matarong maoy usa ka kahoy sa kinabuhi, ug ang maalamon makadani ug mga tawo.

Mateo 18:15

“Kon ang imong igsoon makasala batok kanimo, lakaw, sultihi siya sa iyang sayop tali kanimo ug kaniya lamang. Kon maminaw siya kanimo, nadani nimo siya.

Roma 1:14

Ngadto sa mga Grego ug sa ubang katawhan, sa mga maalamon ug sa mga walay alamag utangan ako.

Roma 11:14

aron mapasina nako ang akong mga isigka-Judio, basin pa lamang nga maluwas ang uban kanila.

Roma 15:2

Ang matag usa kanato kinahanglang magpahimuot sa atong isigkatawo alang sa iyang kaayohan aron siya malig-on.

1 Mga Taga-Corinto 10:29

sa iyang tanlag ang akong gipasabot, dili ang imo. Kay nganong hukman man ang akong kagawasan sa tanlag sa uban?

1 Mga Taga-Corinto 10:33

sama nga ako nagpahimuot sa tanan diha sa tanang butang sa walay pagpangita sa kaugalingon nakong kaayohan, kondili alang sa kadaghanan aron sila maluwas.

1 Mga Taga-Corinto 7:16

Kay ikaw asawa, unsaon man nimo pagkahibalo kon maluwas ba nimo ang imong bana? Ug ikaw bana, unsaon man usab nimo pagkahibalo kon maluwas ba nimo ang imong asawa?

1 Mga Taga-Corinto 9:1

Dili ba ako gawasnon? Dili ba usa ako ka apostol? Wala ba ako makakita kang Jesus nga atong Ginoo? Dili ba kamo akong buhat diha sa Ginoo?

2 Mga Taga-Corinto 12:14

Ania, andam na ako karon sa pag-anha kaninyo sa ikatulong higayon. Ug dili ko kamo pabug-atan kay ang akong gipangita dili ang unsay anaa kaninyo kondili kamo. Kay ang mga anak dili man maoy magtagana alang sa ilang mga ginikanan kondili ang mga ginikanan hinuon alang sa ilang mga anak.

2 Mga Taga-Corinto 4:15

Kay kining tanan tungod ug alang kaninyo aron nga samtang ang grasya modagaya ngadto sa daghan pang mga tawo, kini makapadagaya unta sa mga pasalamat ngadto sa himaya sa Dios.

2 Mga Taga-Corinto 4:5

Kay wala kami magwali mahitungod sa among kaugalingon kondili si Jesu-Cristo ingon nga Ginoo ug kami mga ulipon ninyo tungod kang Jesus.

Mga Taga-Galacia 5:1

Alang sa kagawasan kita gipahigawas ni Cristo. Barog kamo nga lig-on ug ayaw na kamo pagpasangon pag-usab sa yugo sa pagkaulipon.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

1 Timoteo 4:16

Bantayi ang imong kaugalingon ug ang imong pagpanudlo. Padayon niini, kay sa imong pagbuhat niini maluwas nimo ang imong kaugalingon ug ang mga namati kanimo.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.

1 Pedro 3:1

Kamo usab nga mga asawa, pagmasinugtanon kamo sa inyong kaugalingong mga bana, aron nga kon aduna man kanilay wala magtuo sa pulong, basin pa ug sa walay pagsulti madani pinaagi sa gawi sa ilang mga asawa,