1 Mga Taga-Corinto 9:16

Ang Biblia 2011

Kay kon giwali man nako ang Maayong Balita, wala akoy angay nga ipasigarbo kay ang panginahanglan gisangon man kanako. Alaot ako kon dili nako iwali ang Maayong Balita!

Cross References

Isaias 6:5

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang Ginoo sa mga panon!”

Jeremias 1:17

Apan ikaw, pangandam, tindog ug sultihi sila sa tanang gisugo nako kanimo. Ayaw kalisang kanila, aron dili ko ikaw lisangon sa ilang atubangan.

Jeremias 20:7

O Ginoo, gilimbongan nimo ako ug ako nalimbongan; ikaw kusgan kay kanako, ug ikaw mipatigbabaw. Nahimo ako nga kataw-anan sa tibuok nga adlaw; ang tanan nagbiaybiay kanako.

Jeremias 20:9

Kon ako moingon, “Dili ako maghisgot kaniya, o magsulti pa sa iyang ngalan,” ania sa akong kasingkasing ang sama sa nagdilaab nga kalayo nga natakpan sulod sa akong mga bukog, ug ako gikapoyan sa pagpugong niini ug dili na makaantos.

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Amos 7:15

ug gikuha ako sa Ginoo gikan sa pagsunod sa panon, ug ang Ginoo miingon kanako, ‘Lakaw, pagpropesiya ngadto sa akong katawhan nga Israel.’

Mateo 25:16

Ang nakadawat ug lima ka talanton milakaw dayon ug kini iyang gipamatigayon ug nakaganansya siya ug laing lima ka talanton.

Lucas 9:62

Si Jesus miingon kaniya, “Walay tawo nga magkupot sa daro ug molingi sa mga butang nga anaa sa luyo nga angayan sa gingharian sa Dios.”

Mga Buhat 4:20

kay kami dili makapugong sa pagsulti mahitungod sa among nakita ug nadungog.”

Mga Buhat 9:15

Apan ang Ginoo miingon kaniya, “Lakaw, kay siya akong pinili nga galamiton sa pagdala sa akong ngalan sa atubangan sa mga Gentil ug sa mga hari ug sa katawhan sa Israel,

Mga Buhat 9:6

Apan bangon ug sulod sa siyudad ug didto sultihan ikaw kon unsay kinahanglan nimong buhaton.”

Roma 1:14

Ngadto sa mga Grego ug sa ubang katawhan, sa mga maalamon ug sa mga walay alamag utangan ako.

Roma 15:17

Busa diha kang Cristo Jesus may ikapasigarbo ako sa akong buhat alang sa Dios.

Roma 4:2

Kay kon si Abraham nahimo pang matarong tungod sa iyang mga binuhatan, aduna unta siyay ikapasigarbo, apan dili sa atubangan sa Dios.

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

1 Mga Taga-Corinto 9:12

Kon ang uban nagpahimulos sa maong katungod diha kaninyo, dili ba labaw pa unta kami? Hinuon, kami wala magpahimulos sa maong katungod, apan giantos namo ang tanan aron dili kami makahatag ug babag sa Maayong Balita ni Cristo.

1 Mga Taga-Corinto 9:14

Sa samang paagi, ang Ginoo misugo nga kadtong nagsangyaw sa Maayong Balita mabuhi gikan sa Maayong Balita.

2 Mga Taga-Corinto 2:12

Ug sa pag-adto nako sa Troas aron sa pagwali sa Maayong Balita mahitungod kang Cristo, usa ka pultahan ang naabli alang kanako diha sa Ginoo.

Mga Taga-Colosas 4:17

Ug ingna si Arquipo, “Bantayi nga matuman nimo ang buluhaton nga imong nadawat diha sa Ginoo.”

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.