1 Mga Taga-Corinto 9:12

Ang Biblia 2011

Kon ang uban nagpahimulos sa maong katungod diha kaninyo, dili ba labaw pa unta kami? Hinuon, kami wala magpahimulos sa maong katungod, apan giantos namo ang tanan aron dili kami makahatag ug babag sa Maayong Balita ni Cristo.

Cross References

Genesis 24:56

Apan siya miingon kanila, “Ayaw ako ninyo langana kay ang Ginoo nagpanalangin sa akong panaw. Papaulia na ako aron moadto ako sa akong agalon.”

Nehemias 4:8

Ug nagsabot silang tanan sa pag-adto ug sa pagpakig-away batok sa Jerusalem ug aron sa paghimo ug kaguliyang didto sa sulod.

Lucas 11:52

Alaot kamong mga batid sa Balaod, kay inyong gikuha ang yawi sa kahibalo. Kamo mismo wala mosulod niini ug ang mga nanulod niini inyong gibabagan.”

Mga Buhat 18:3

Ug kay siya sama man kanila ug pangita, nga mao ang pagpamuhat ug mga tolda, siya mipuyo uban kanila ug nagbuhat uban kanila.

Roma 15:22

Mao kini ang hinungdan ngano nga sa makadaghan napugngan ako sa pag-anha diha kaninyo.

1 Mga Taga-Corinto 13:7

moantos sa tanang butang, motuo sa tanang butang, molaom sa tanang butang, molahutay sa tanang butang.

1 Mga Taga-Corinto 6:7

Busa karon kamong tanan nangapakyas gayod, tungod kay kamo aduna may mga kiha batok sa usa ug usa. Ngano man diay ug kahimoan kamo ug sayop? Nganong dili man lang ninyo antoson nga kamo malimbongan?

1 Mga Taga-Corinto 9:14

Sa samang paagi, ang Ginoo misugo nga kadtong nagsangyaw sa Maayong Balita mabuhi gikan sa Maayong Balita.

1 Mga Taga-Corinto 9:15

Apan wala ako magpahimulos sa bisan usa niining maong mga butang, ug wala ako magsulat niini aron maangkon kini. Kay maayo pa alang kanako nga mamatay kay sa kuhaan ako sa unsay akong ikapasigarbo.

1 Mga Taga-Corinto 9:16

Kay kon giwali man nako ang Maayong Balita, wala akoy angay nga ipasigarbo kay ang panginahanglan gisangon man kanako. Alaot ako kon dili nako iwali ang Maayong Balita!

1 Mga Taga-Corinto 9:18

Busa unsa man ang akong ganti? Nga sa akong pagwali ang Maayong Balita ikahatag nako nga walay bayad, sa walay pagpahimulos sa akong mga katungod sa pagwali sa Maayong Balita.

1 Mga Taga-Corinto 9:2

Kon alang sa uban dili ako apostol, apan alang kaninyo apostol gayod ako, kay kamo mao man ang selyo sa akong pagka-apostol sa Ginoo.

2 Mga Taga-Corinto 11:12

Ug ang akong gibuhat karon akong padayonon sa pagbuhat aron akong kakuhaan ug kahigayonan ang mga tawong naninguha sa kahigayonan sa pagpasigarbo nga ang ilang pagpangalagad sama sa amoa.

2 Mga Taga-Corinto 11:20

Kay antoson man lang ninyo kon may tawo nga mag-ulipon kaninyo o maghukhok kaninyo o mamintaha kaninyo o magpataas sa iyang kaugalingon o mosagpa kaninyo sa nawong.

2 Mga Taga-Corinto 2:12

Ug sa pag-adto nako sa Troas aron sa pagwali sa Maayong Balita mahitungod kang Cristo, usa ka pultahan ang naabli alang kanako diha sa Ginoo.

2 Mga Taga-Corinto 6:3

Kami wala magbutang ug babag diha sa agianan ni bisan kinsa, aron dili sawayon ang among pagpangalagad.