1 Mga Taga-Corinto 9:1

Ang Biblia 2011

Dili ba ako gawasnon? Dili ba usa ako ka apostol? Wala ba ako makakita kang Jesus nga atong Ginoo? Dili ba kamo akong buhat diha sa Ginoo?

Cross References

Mga Buhat 13:2

Samtang nagsimba sila sa Ginoo ug nagpuasa, ang Espiritu Santo miingon, “Igahin kanako si Bernabe ug si Saulo alang sa buluhaton nga niini gitawag nako sila.”

Mga Buhat 14:14

Apan sa pagkadungog niini sa mga apostoles nga si Bernabe ug si Pablo, gigisi nila ang ilang mga bisti ug midagan sila nga nagsinggit ngadto sa katawhan ug nag-ingon,

Mga Buhat 14:4

Apan ang mga tawo sa siyudad nabahin, ang uban midapig sa mga Judio ug ang uban sa mga apostoles.

Mga Buhat 23:11

Sa pagkasunod gabii, ang Ginoo mitungha kaniya ug miingon, “Pagmaisogon, kay ingon nga nagsaksi ikaw mahitungod kanako dinhi sa Jerusalem, kinahanglan nga magsaksi usab ikaw didto sa Roma.”

Mga Buhat 9:15

Apan ang Ginoo miingon kaniya, “Lakaw, kay siya akong pinili nga galamiton sa pagdala sa akong ngalan sa atubangan sa mga Gentil ug sa mga hari ug sa katawhan sa Israel,

Mga Buhat 9:17

Busa si Ananias miadto ug misulod sa balay ug sa nagpandong siya sa iyang mga kamot kang Saulo, siya miingon, “Igsoong Saulo, ang Ginoong Jesus nga nagpakita kanimo sa dalan nga imong giagian padulong dinhi, mipaanhi kanako aron maulian ang imong panan-aw ug mapuno ikaw sa Espiritu Santo.”

Mga Buhat 9:3

Unya sa nagpanaw siya ug nagkaduol na sa Damasco, sa kalit usa ka kahayag gikan sa langit midan-ag libot kaniya.

Mga Buhat 9:5

Ug siya miingon, “Kinsa ka ba, Ginoo?” Ug siya mitubag, “Ako mao si Jesus nga imong gilutos.

Roma 1:1

Si Pablo, ulipon ni Jesu-Cristo, gitawag sa pagkaapostol ug gigahin alang sa Maayong Balita sa Dios,

Roma 1:5

Pinaagi kaniya nadawat nato ang grasya ug ang pagkaapostol alang sa pagkamasinugtanon diha sa pagtuo taliwala sa tanang kanasoran tungod ug alang sa iyang ngalan.

Roma 11:13

Karon magsulti ako kaninyong mga Gentil. Tungod kay apostol man ako ngadto sa mga Gentil, magpasidungog ako sa akong pag-alagad,

1 Mga Taga-Corinto 1:1

Si Pablo, gitawag nga apostol ni Cristo Jesus pinaagi sa kabubut-on sa Dios, ug si Sostenes nga atong igsoon,

1 Mga Taga-Corinto 10:29

sa iyang tanlag ang akong gipasabot, dili ang imo. Kay nganong hukman man ang akong kagawasan sa tanlag sa uban?

1 Mga Taga-Corinto 10:30

Kon ako miambit uban ang pagkamapasalamaton, nganong sawayon pa man ako mahitungod sa gipasalamatan na nako?

1 Mga Taga-Corinto 11:16

Apan kon aduna may makiglalis bahin niini, wala kita nianang batasana bisan ang mga iglesia nga iya sa Dios.

1 Mga Taga-Corinto 3:6

Ako ang nagtanom, si Apolos ang nagbisibis, apan ang Dios ang nagpatubo.

1 Mga Taga-Corinto 9:19

Kay bisan tuod ug ako gawasnon gikan sa tanan, nagpaulipon ako sa tanan aron makabig unta nako ang labaw pa ka daghan.

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

2 Mga Taga-Corinto 11:5

Kay sa akong hunahuna sa bisan unsang paagi wala ako maulahi niining mga hawod nga mga apostoles.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Galacia 1:1

Si Pablo, usa ka apostol, dili gikan sa mga tawo o pinaagi sa tawo, kondili pinaagi kang Jesu-Cristo ug sa Dios nga Amahan nga nagbanhaw kaniya gikan sa mga patay,

Mga Taga-Galacia 5:1

Alang sa kagawasan kita gipahigawas ni Cristo. Barog kamo nga lig-on ug ayaw na kamo pagpasangon pag-usab sa yugo sa pagkaulipon.

1 Mga Taga-Tesalonica 2:6

Wala usab kami magtinguha sa mga pagpasidungog gikan sa mga tawo, o gikan kaninyo o sa uban pa, bisan tuod ug makapangayo kami kaninyo niini ingon nga mga apostoles ni Cristo.

1 Timoteo 2:7

Alang niini ako gitudlo nga magwawali ug apostol (ako nagsulti sa tinuod, wala ako magbakak), magtutudlo sa mga Gentil diha sa pagtuo ug sa kamatuoran.

2 Timoteo 1:11

Kay niining Maayong Balita ako gitudlo nga magwawali ug apostol ug magtutudlo,