1 Mga Taga-Corinto 8:7

Ang Biblia 2011

Apan dili ang tanan aduna niining maong kahibalo. Hinuon, tungod sa ilang pagkaanad sa mga diosdios hangtod karon, adunay pipila nga nangaon ingon nga kini gihalad gayod ngadto sa diosdios. Ug busa ang ilang tanlag nahugawan, tungod kay kini huyang man.

Cross References

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

Roma 14:14

Ako nahibalo ug nagtuo gayod diha sa Ginoong Jesus nga walay butang nga hugaw sa iyang kaugalingon, apan kini hugaw alang sa tawo nga naghunahuna nga hugaw kini.

Roma 15:14

Nagtuo gayod ako mahitungod kaninyo, akong mga igsoon, nga kamo puno sa pagkamaayo, napuno sa tanang kahibalo ug may katakos sa pagtambag sa usa ug usa.

1 Mga Taga-Corinto 10:25

Kaon kamo bisan unsa nga gibaligya sa mga tindahan sa walay pagpangutana alang sa tanlag.

1 Mga Taga-Corinto 8:1

Karon mahitungod sa mga hinalad ngadto sa mga diosdios: kita nasayod nga “kitang tanan adunay kahibalo.” Ang kahibalo magpagarbo apan ang gugma magpalig-on.

1 Mga Taga-Corinto 8:4

Ug mahitungod sa pagkaon sa mga hinalad ngadto sa mga diosdios, kita nasayod nga “wala gayoy diosdios dinhi sa kalibotan,” ug nga “walay laing Dios gawas sa usa lamang.”

1 Mga Taga-Tesalonica 5:14

Ug kami nag-awhag kaninyo, mga igsoon, pahimangnoi ang mga tapolan, dasiga ang mga maulawon, tabangi ang mga luya, pagpailob sa tanan.