1 Mga Taga-Corinto 8:5

Ang Biblia 2011

Kay bisan tuod adunay gitawag nga mga dios sa kalangitan o sa kayutaan, ingon nga daghan ang mga “dios” ug daghan ang mga “ginoo”;

Cross References

Jeremias 11:13

Kay ang inyong mga dios nahimong sama kadaghan sa inyong mga siyudad, O Juda, ug sama kadaghan sa kadalanan sa Jerusalem ang mga halaran nga inyong gitukod ngadto sa kaulawan, mga halaran nga sunogan ug insenso alang kang Baal.

Jeremias 2:11

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Jeremias 2:28

Apan hain na ang imong mga dios nga imong gibuhat alang sa imong kaugalingon? Patindoga sila, kon sila makaluwas kanimo sa panahon sa imong kalisod; kay sama kadaghan sa imong mga siyudad ang imong mga dios, O Juda.

Daniel 5:4

Sila nanginom sa bino, ug nagdayeg sa mga dios nga bulawan ug plata, bronsi, puthaw, kahoy ug bato.

Mateo 27:17

Busa, sa nagkatigom na ang katawhan, si Pilato miingon kanila, “Kinsa may buot ninyo nga akong buhian alang kaninyo, si Barabas ba o si Jesus nga gitawag ug Cristo?”

Mga Taga-Galacia 4:8

Kaniadto, sa wala pa kamo makaila sa Dios, kamo naulipon ngadto sa mga binuhat nga sa kinaiya dili mga dios,

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

2 Mga Taga-Tesalonica 2:4

nga nagsupak ug nagpataas sa iyang kaugalingon ibabaw sa tanang gitawag nga dios o sa bisan unsa nga gisimba, aron sa ingon siya molingkod sulod sa Templo sa Dios ug magpaila sa iyang kaugalingon nga Dios.