1 Mga Taga-Corinto 8:3

Ang Biblia 2011

Apan kon ang usa ka tawo nahigugma sa Dios, kining tawhana nailhan sa Dios.

Cross References

1 Mga Hari 3:3

Si Solomon nahigugma sa Ginoo, naglakaw sumala sa lagda ni David nga iyang amahan, apan siya naghalad ug nagsunog ug mga insenso didto sa habog nga mga dapit.

Salmo 1:6

kay ang Ginoo nahibalo sa dalan sa mga matarong, apan ang dalan sa mga daotan mahanaw.

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Exodo 33:12

Unya si Moises miingon sa Ginoo, “Tan-awa, ikaw nag-ingon kanako, ‘Dad-a kining katawhan,’ apan ikaw wala magpahibalo kanako kon kinsa ang imong ipadala uban kanako. Apan ikaw miingon, ‘Ako nakaila kanimo pinaagi sa imong ngalan, ug nakakaplag usab ug kahimuot diha sa akong panan-aw.’

Exodo 33:17

Ug ang Ginoo miingon kang Moises, “Buhaton nako kining butanga nga imong giingon kay nakakaplag man ikaw ug kahimuot dinhi sa akong panan-aw ug nakaila ako kanimo pinaagi sa imong ngalan.”

Jeremias 1:5

“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Nahum 1:7

Ang Ginoo maayo, lig-on nga salipdanan sa adlaw sa kasamok; siya makaila kanila nga modangop kaniya.

Mateo 7:23

Ug unya sultihan ko sila, ‘Wala gayod ako makaila kaninyo, pahawa gikan kanako, kamong mga tigpamuhat ug daotan.’

Juan 10:14

Ako mao ang maayong magbalantay sa karnero. Ako nakaila sa akoa ug ang akoa nakaila kanako,

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Roma 11:2

Ang Dios wala magsalikway sa iyang katawhan nga nailhan na niyang daan. Wala ba kamo masayod sa giingon sa kasulatan mahitungod kang Elias, giunsa niya sa pag-ampo sa Dios batok sa Israel?

1 Mga Taga-Corinto 13:12

Kay sa pagkakaron, ang atong makita sa salamin hanap lamang nga panagway apan unya sa nawong ug nawong na. Sa pagkakaron, bahin lamang ang akong nahibaloan, apan unya masabtan ra nako ang tanan, ingon nga ang tanan kanako nasabtan.

1 Mga Taga-Corinto 2:9

Apan ingon sa nasulat, “Unsay wala makita sa mata, o madungog sa dalunggan, o wala mosantop sa kasingkasing sa tawo, maoy gitagana sa Dios alang kanila nga nahigugma kaniya.”

Mga Taga-Galacia 4:9

apan karon nga nakaila na kamo sa Dios, o nailhan na kamo sa Dios, naunsa ba nga namalik man hinuon kamo pag-usab ngadto sa mga huyang ug walay bili nga mga gahom sa kalibotan ug buot magpaulipon kanila pag-usab?

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

Santiago 1:12

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

1 Pedro 1:8

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

1 Juan 4:19

Kita nahigugma tungod kay siya una mang nahigugma kanato.

1 Juan 4:7

Mga hinigugma, maghigugmaay kita sa usa ug usa kay ang gugma iya sa Dios, ug siya nga nahigugma gipakatawo sa Dios ug nakaila sa Dios.

Gipadayag 2:13

“ ‘Nasayod ako sa dapit nga imong gipuy-an, diin anaa ang trono ni Satanas. Gihuptan nimo ang akong ngalan ug wala nimo ilimod ang imong pagtuo kanako bisan pa sa mga adlaw ni Antipas nga akong saksi, ang akong sinaligan nga gipatay diha kaninyo, diin nagpuyo si Satanas.

Gipadayag 2:19

“ ‘Nasayod ako sa imong mga buhat, sa imong gugma ug pagtuo ug pag-alagad ug paglahutay, ug nga ang imong ulahing mga buhat milabaw pa sa una.

Gipadayag 2:9

“ ‘Nasayod ako sa imong kasakit ug sa imong kakabos, apan dato ikaw, ug sa pagpasipala kanimo sa mga nag-ingon nga sila mga Judio apan dili diay, hinuon sinagoga sila ni Satanas.