1 Mga Taga-Corinto 8:12

Ang Biblia 2011

Ug busa, sa pagpakasala batok sa mga igsoon ug sa pagsamad sa ilang luya nga tanlag, kamo makasala batok kang Cristo.

Cross References

Genesis 20:9

Unya si Abraham gitawag ni Abimelek ug giingnan siya, “Unsa ba kining gibuhat nimo kanamo? Ug unsa bay sala nako kanimo nga nagdala man ikaw kanako ug sa akong gingharian ug dako kaayong sala? Gibuhat nimo kanako ang dili angay nimong buhaton.”

Genesis 42:22

Ug si Ruben mitubag kanila, “Wala ba ako magsulti kaninyo, ‘Ayaw kamo pagpakasala batok sa bata?’ Apan wala gayod kamo mamati. Busa karon, ang iyang dugo gipaningil na.”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Exodo 32:21

Unya si Moises miingon kang Aaron, “Unsa bay gibuhat niining katawhan kanimo nga nagdala man ikaw ug usa ka dakong sala nganha kanila?”

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Mateo 18:21

Unya si Pedro miduol ug miingon kaniya, “Ginoo, makapila ba makasala ang akong igsoon batok kanako, ug pasayloon nako siya? Makapito ba?”

Mateo 18:6

Apan si bisan kinsa nga makaangin aron makasala ang usa niining mga gagmay nga nagsalig kanako, maayo pa alang kaniya nga higtan siya ug dakong galingan nga bato diha sa iyang liog ug lumsan sa kahiladman sa dagat.

Mateo 25:40

Unya sa pagtubag ang Hari moingon kanila, ‘Sa pagkatinuod, sultihan ko kamo, ingon nga gibuhat ninyo kini ngadto sa usa sa labing ubos niining akong mga igsoon, gibuhat usab ninyo kini kanako.’

Mateo 25:45

Unya motubag siya kanila nga mag-ingon, ‘Sa pagkatinuod, sultihan ko kamo, ingon nga gihikaw ninyo kini ngadto sa usa niining labing ubos, gihikaw usab kini ninyo kanako.’

Marcos 9:42

“Si bisan kinsa nga maoy makaingon sa pagpakasala sa usa niining gagmay nga nagsalig kanako, maayo pa alang kaniya nga hiktan ug dakong galingan nga bato ang iyang liog ug itambog siya ngadto sa dagat.

Lucas 17:2

Maayo pa alang kaniya nga higtan siya ug galingan nga bato diha sa iyang liog ug itambog ngadto sa dagat, kay sa makaangin siya sa usa niining mga gagmay sa pagpakasala.

Roma 14:20

Ayaw gub-a ang buhat sa Dios tungod lang sa pagkaon. Sa pagkatinuod hinlo ang tanang butang, apan dili maayo sa usa ka tawo nga mahimong kapandolan pinaagi sa iyang gikaon.

1 Mga Taga-Corinto 12:12

Kay sama nga ang lawas usa ra ug adunay daghang mga bahin, ug ang tanang mga bahin sa lawas bisan daghan usa ra ka lawas, ingon usab niana diha kang Cristo.

1 Samuel 2:25

Kon ang usa ka tawo makasala batok sa laing tawo, ang Dios magpataliwala alang kaniya, apan kon ang usa ka tawo makasala batok sa Ginoo, kinsa may magpataliwala alang kaniya?” Bisan pa niana, sila wala mamati sa tingog sa ilang amahan tungod kay maoy kabubut-on sa Ginoo ang pagpatay kanila.

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.