1 Mga Taga-Corinto 7:26

Ang Biblia 2011

Gihunahuna nako nga tungod sa umaabot nga kasakitan maayo na lang sa usa ka tawo nga magpabilin sa iyang kahimtang karon.

Cross References

Mateo 24:19

Ug alaot ang mga mabdos ug ang may mga masuso nianang mga adlawa!

Lucas 21:23

Pagkamakaluluoy gayod sa mga mabdos ug sa mga may masuso niadtong mga adlawa! Kay ang dakong kagul-anan moabot sa ibabaw sa yuta ug ang kapungot batok niining katawhan.

1 Mga Taga-Corinto 7:1

Karon mahitungod sa inyong gisulat, “Maayo alang sa usa ka lalaki ang dili pagpanghilabot ug babaye.”

1 Mga Taga-Corinto 7:27

Aduna ka bay asawa? Ayaw pakigbulag. Wala ka bay asawa? Ayaw na lang pagpangasawa.

1 Mga Taga-Corinto 7:28

Apan kon mangasawa ka man, wala ikaw makasala, ug kon ang dalaga mamana wala siya makasala. Hinuon ang mga minyo makasinati sa kasakit diha sa unod ug buot unta nako nga makalikay kamo gikan niini.

1 Mga Taga-Corinto 7:8

Alang sa mga dili minyo ug sa mga biyuda ako moingon nga maayo alang kanila nga magpabilin nga mag-inusara sama kanako.

2 Mga Taga-Tesalonica 2:2

nga dili unta kamo makuyawan dayon sa hunahuna o makulbaan, bisan pinaagi sa espiritu o sa pulong, o pinaagi sa sulat sa pahayag nga daw kami mao ang nag-ingon, nga ang adlaw sa Ginoo miabot na.

1 Pedro 4:17

Kay panahon na nga sugdan ang pagtuman sa hukom diha sa balay sa Dios; ug kon kini magsugod man kanato, unsa man kahay dangatan sa mga tawo nga wala magtuman sa Maayong Balita sa Dios?