1 Mga Taga-Corinto 7:21

Ang Biblia 2011

Ulipon ba ikaw sa panahon sa pagtawag kanimo? Ayaw kini igsapayan. Apan kon may kahigayonan ikaw nga mahimong gawasnon, pahimusli kini.

Cross References

Lucas 12:29

Busa ayaw kamo pangita unsay inyong kaonon ug unsay inyong imnon, ug ayaw kamo kabalaka.

Lucas 21:34

“Apan kinahanglang magbantay kamo sa inyong kaugalingon, basin ug ang inyong mga kasingkasing mapuno sa pagpatuyang ug sa pagkahubog ug sa mga kabalaka niining kinabuhia, ug unya kadtong adlawa moabot kaninyo sa kalit,

1 Mga Taga-Corinto 12:13

Kay pinaagi sa usa ka Espiritu kitang tanan, mga Judio o mga Grego, mga ulipon o mga gawasnon, gibautismohan ngadto sa usa ka lawas ug kitang tanan gipainom sa usa ka Espiritu.

1 Mga Taga-Corinto 7:20

Ang matag usa kinahanglang magpabilin diha sa kahimtang sa pagtawag kaniya.

1 Mga Taga-Corinto 7:22

Kay ang ulipon nga gitawag diha sa Ginoo, tawong gawasnon sa Ginoo. Sama nga ang tawong gawasnon sa panahon nga siya gitawag, ulipon ni Cristo.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Filipos 4:11

Wala ko kini isulti tungod sa akong kawalad-on, kay ako nakakat-on man sa pagpahaom sa akong kaugalingon sa bisan unsang kahimtang nga akong nahimutangan.

Mga Taga-Filipos 4:6

Ayaw kamo kabalaka mahitungod sa bisan unsang butang, apan sa tanang butang ipahibalo ninyo sa Dios ang inyong mga hangyo pinaagi sa pag-ampo ug sa pagpangamuyo uban ang pagpasalamat.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

1 Pedro 5:7

Itugyan ngadto kaniya ang inyong tanang kabalaka, kay siya nag-atiman man kaninyo.