1 Mga Taga-Corinto 7:2

Ang Biblia 2011

Apan tungod sa mga salawayong pakighilawas, ang matag lalaki kinahanglang magbaton ug iyang kaugalingong asawa ug ang matag babaye magbaton ug iyang kaugalingong bana.

Cross References

Mga Panultihon 18:22

Siya nga makakaplag ug asawa nakakaplag sa maayong butang, ug makaangkon ug kahimuot gikan sa Ginoo.

Mga Panultihon 19:14

Ang balay ug mga bahandi gipanunod gikan sa mga amahan, apan ang usa ka maalamon nga asawa naggikan sa Ginoo.

Malaquias 2:14

Kamo nangutana, “Ngano nga wala man siya modawat?” Tungod kay ang Ginoo nagpamatuod sa kasabotan tali kanimo ug sa asawa sa imong pagkabatan-on, nga ikaw wala magmaunongon kaniya bisan ug siya imong kauban ug imong asawa pinaagi sa kasabotan.

Mateo 5:32

Apan sultihan ko kamo nga si bisan kinsa nga mobulag sa iyang asawa, gawas lamang kon kini nagluib kaniya, nagtukmod kaniya sa pagpanapaw, ug ang mangasawa sa usa ka babayeng binulagan nakapanapaw.

1 Mga Taga-Corinto 6:18

Likayi ang salawayong pakighilawas. Ang tanang sala nga buhaton sa tawo anha sa gawas sa iyang lawas, apan ang tawong naghimo sa salawayong pakighilawas nakasala batok sa iyang kaugalingong lawas.

1 Mga Taga-Corinto 7:1

Karon mahitungod sa inyong gisulat, “Maayo alang sa usa ka lalaki ang dili pagpanghilabot ug babaye.”

1 Mga Taga-Corinto 7:3

Ang bana kinahanglan nga magtuman sa iyang katungdanan ngadto sa iyang asawa ug ang asawa usab ngadto sa iyang bana.

1 Mga Taga-Corinto 7:9

Apan kon sila dili makapugong sa ilang kaugalingon, paminyoa sila. Kay maayo pa nga maminyo kay sa magdilaab.

Mga Taga-Efeso 5:28

Sa ingon usab niini, ang mga bana kinahanglang mahigugma sa ilang kaugalingong asawa ingon nga ilang kaugalingong lawas. Ang nahigugma sa iyang asawa nahigugma sa iyang kaugalingon.

Mga Taga-Efeso 5:33

Hinuon, alang sa matag usa ka lalaki diha kaninyo, kinahanglang mahigugma gayod sa iyang asawa sama sa iyang kaugalingon ug ang asawa kinahanglang magtahod sa iyang bana.

1 Mga Taga-Tesalonica 4:4

nga ang matag usa kaninyo mahibalo unsaon sa pagpangasawa diha sa pagkabalaan ug kadungganan,

1 Timoteo 4:3

nga magdili sa pagminyo, magdili sa mga pagkaon nga gibuhat sa Dios nga dawaton uban sa pagpasalamat sa mga magtutuo ug nahibalo sa kamatuoran.

Mga Maghuhukom 21:22

Ug sa diha nga ang ilang mga amahan o ang ilang mga igsoon moanhi aron sa pagsumbong kanamo, kami moingon kanila, ‘Ihatag sila sa maayong kabubut-on kanamo tungod kay kami wala magkuha ug maasawa sa matag lalaki pinaagi sa gubat o naghatag kanila ug maasawa nila, kondili mahimo kamong sad-an.’ ”