1 Mga Taga-Corinto 7:19

Ang Biblia 2011

Ang pagkatinuli walay bili ug ang pagkadili tinuli walay bili kondili ang pagtuman sa kasugoan sa Dios.

Cross References

Mateo 5:19

Tungod niini, si bisan kinsa nga maglapas bisan sa labing gamay niining mga sugo ug magtudlo sa mga tawo sa pagbuhat sa ingon, kini siya isipon nga iwit didto sa gingharian sa langit apan si bisan kinsa nga magbuhat ug magtudlo niini, siya isipon nga dako didto sa gingharian sa langit.

Juan 15:14

Kamo akong mga higala kon magtuman kamo sa akong sugo kaninyo.

Roma 3:30

tungod kay usa ra man ang Dios ug iyang himoong matarong ang mga tinuli sumala sa ilang pagtuo ug ang mga dili tinuli tungod sa pagtuo.

1 Mga Taga-Corinto 8:8

Apan ang pagkaon dili gayod makapaduol kanato ngadto sa Dios. Kon kita dili mangaon, dili kita mahimong labaw ka daotan ug kon kita mangaon, dili kita mahimong labaw ka maayo.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Galacia 5:6

Kay diha kang Cristo Jesus bisan ang pagkatinuli o ang pagkadili tinuli dili magpulos, kondili ang pagtuo nga nagbuhat pinaagi sa gugma.

Mga Taga-Galacia 6:15

Kay dili ang pagkatinuli o ang pagkadili tinuli mao ang may bili, kondili ang pagkabag-ong binuhat.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.

Josue 5:5

Bisan ug ang tanang tawo nga nanggula natuli na, apan kadtong tanan nga didto matawo sa ilang pagpanglakaw sa kamingawan sa nakagula na sila gikan sa Ehipto, wala matuli.

Gipadayag 22:14

Bulahan sila nga maglaba sa ilang mga bisti aron makabaton sila sa katungod sa pagpahimulos sa kahoy sa kinabuhi, ug sa pagsulod sa siyudad agi sa mga ganghaan.

1 Samuel 15:22

Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.