1 Mga Taga-Corinto 7:18

Ang Biblia 2011

Aduna bay tinuli na sa pagtawag kaniya? Ayaw ipawala ang iyang pagkatinuli. Aduna bay dili tinuli sa pagtawag kaniya? Ayaw siya ipatuli.

Cross References

Mga Buhat 15:19

Busa ang akong hukom mao kini, nga dili nato hasolon silang mga Gentil nga nakabig ngadto sa Dios,

Mga Buhat 15:24

Kay kami nakadungog nga pipila ka tawo gikan kanamo nagsamok kaninyo sa mga pulong nga nagpalibog sa inyong mga hunahuna bisan wala namo sila sugoa.

Mga Buhat 15:28

Kay giisip sa Espiritu Santo ug namo nga dili maayo ang pagsangon kaninyo ug palas-anon nga bug-at pa kay niining mga butang nga gikinahanglan:

Mga Buhat 15:5

Apan ang ubang mga magtutuo nga sakop sa pundok sa mga Pariseo mitindog ug miingon, “Kinahanglan gayod nga tulion sila ug mandoan sa pagtuman sa Balaod ni Moises.”

Mga Buhat 21:21

Ug sila gisuginlan mahitungod kanimo nga ikaw nagtudlo sa tanang mga Judio nga nagpuyo uban sa mga Gentil sa pagbiya kang Moises ug sa dili na pagtuli sa ilang mga anak, o sa pagtuman sumala sa ilang mga nabatasan.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.