1 Mga Taga-Corinto 6:15

Ang Biblia 2011

Wala ba kamo masayod nga ang inyong lawas mga bahin man ni Cristo? Kuhaon ko ba ang mga bahin ni Cristo aron himoon nga mga bahin sa usa ka babayeng makihilawason? Dili gayod!

Cross References

Genesis 44:17

Apan siya miingon, “Dili mahitabo nga buhaton nako kana. Ang tawo nga kaniya nakit-an ang kupa, siya maulipon nako apan mahitungod kaninyo, lakaw kamo nga malinawon ngadto sa inyong amahan.”

Lucas 20:16

Iyang adtoon ug patyon ang maong mga saop, ug ang parasan iyang ihatag ngadto sa uban.” Sa pagkadungog nila niini, sila miingon, “Dili unta kana mahitabo!”

Roma 12:5

mao usab kita, bisan daghan, usa ra kita ka lawas diha kang Cristo, ug ang matag usa kanato kabahin sa usa ug usa.

Roma 3:31

Gisalikway ba nato ang Balaod tungod sa maong pagtuo? Wala gayod! Hinuon gipalig-onan nato ang Balaod.

Roma 3:6

Dili gayod! Kay sa ingon niana, unsaon pa man sa Dios sa paghukom sa kalibotan?

Roma 6:15

Busa unsa man? Magpakasala ba kita kay dili man kita ilalom sa Balaod kondili ilalom sa grasya? Dili gayod!

Roma 6:2

Dili gayod! Kita nga namatay na ngadto sa sala, unsaon pa man nato sa pagkinabuhi diha niana?

Roma 7:13

Busa nahimo ba diay nga kamatayon kadtong maayo? Dili unta kana mahitabo! Ang sala mao ang naghimo ug kamatayon dinhi sa sulod nako pinaagi sa maayo, aron ang sala ikapadayag ingon nga sala. Ug pinaagi sa kasugoan kini mamatud-an nga hilabihan gayod kangil-ad.

Roma 7:7

Busa unsa may atong isulti? Nga ang Balaod sala? Dili gayod! Gani, kon wala pa ang Balaod, dili unta ako makaila sa sala. Dili unta ako makaila unsay pangibog kon ang Balaod wala pa mag-ingon, “Dili ka mangibog.”

1 Mga Taga-Corinto 11:3

Apan buot nako nga inyong sabton nga ang ulo sa matag lalaki mao si Cristo ug ang ulo sa babaye mao ang iyang bana ug ang ulo ni Cristo mao ang Dios.

1 Mga Taga-Corinto 12:27

Kamo ang lawas ni Cristo ug ang matag usa kaninyo bahin niini.

1 Mga Taga-Corinto 6:13

“Ang pagkaon alang sa tiyan ug ang tiyan alang sa pagkaon,” apan kining duha wad-on sa Dios. Ang lawas dili alang sa salawayong pakighilawas, kondili alang sa Ginoo, ug ang Ginoo alang sa lawas.

1 Mga Taga-Corinto 6:17

Apan siya nga nahiusa ngadto sa Ginoo nahiusa diha sa espiritu.

1 Mga Taga-Corinto 6:19

Wala ba kamo masayod nga ang inyong lawas templo sa Espiritu Santo nga anaa kaninyo, nga inyong nabatonan gikan sa Dios? Kamo dili na inyo sa inyong kaugalingon,

1 Mga Taga-Corinto 6:3

Wala ba kamo masayod nga kita man unya ang maghukom sa mga anghel? Unsa pa kaha sa mga butang niining kinabuhia?

Mga Taga-Galacia 2:17

Apan kon sa among pagpaningkamot aron kami himoong matarong diha kang Cristo, kami makaplagan nga mga makasasala usab, alagad ba diay si Cristo sa sala? Dili gayod!

Mga Taga-Galacia 3:21

Ang Balaod supak ba diay sa mga saad sa Dios? Dili gayod! Kay kon may gihatag pa nga balaod nga makapabuhi, ang pagkamatarong mahimong pinaagi gayod unta sa Balaod.

Mga Taga-Galacia 6:14

Apan dili lang unta mahitabo kanako ang pagpasigarbo gawas sa krus sa atong Ginoong Jesu-Cristo, nga pinaagi niini, ang kalibotan gilansang sa krus alang kanako, ug ako alang sa kalibotan.

Mga Taga-Efeso 4:12

aron sa pagsangkap sa mga balaan alang sa buhat sa pagpangalagad, alang sa paglig-on sa lawas ni Cristo,

Mga Taga-Efeso 5:23

Kay ang bana mao ang ulo sa asawa, sama usab nga si Cristo ulo sa iglesia, siya mao ang manluluwas sa lawas.

Mga Taga-Efeso 5:30

kay mga bahin man kita sa iyang lawas.

Mga Taga-Colosas 2:19

Ang maong tawo wala madugtong sa Ulo, nga gikan niini ang tibuok nga lawas gibuhi ug gisumpay diha sa mga lutahan ug mga kaugatan, nagtubo diha sa pagtubo nga gikan sa Dios.