1 Mga Taga-Corinto 6:1

Ang Biblia 2011

Mangahas ba ang usa kaninyo nga adunay kasumpakian batok sa lain sa pag-adto sa hukmanan atubangan sa mga dili matarong ug dili hinuon sa atubangan sa mga balaan?

Cross References

Mateo 5:45

aron mahimo kamong mga anak sa inyong Amahan nga anaa sa langit, kay siya nagpasubang sa iyang adlaw ngadto sa mga tawong daotan ug sa mga maayo ug nagpadala siya ug ulan ngadto sa mga matarong ug sa mga dili matarong.

Mga Buhat 19:38

Busa, kon si Demetrio ug ang mga platero uban kaniya adunay sumbong batok kang bisan kinsa, ang hukmanan abli ug anaay mga gobernador, pakihaa sila batok sa usa ug usa.

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

1 Mga Taga-Corinto 14:33

Kay ang Dios dili Dios sa kasamok, kondili sa kalinaw. Sama sa batasan sa tanang mga iglesia sa mga balaan,

1 Mga Taga-Corinto 16:1

Karon mahitungod sa amot alang sa mga balaan, sumala sa akong gitugon sa mga iglesia sa Galacia, buhata usab ninyo.

1 Mga Taga-Corinto 16:15

Mga igsoon, kamo nasayod nga ang banay ni Estefanas mao ang unang bunga diha sa Acaya ug ilang gihatag ang ilang kaugalingon sa pag-alagad alang sa mga balaan.

1 Mga Taga-Corinto 5:12

Kay unsa may akong labot sa paghukom sa mga tawo sa gawas? Dili ba ang mga anaa sa sulod sa iglesia mao ang inyong hukman?

1 Mga Taga-Corinto 6:5

Ako nagsulti niini aron sa pagpakaulaw kaninyo. Wala ba diay usa diha kaninyo nga maalamon nga makahimo paghusay tali kaninyo nga managsoong magtutuo?