1 Mga Taga-Corinto 5:9

Ang Biblia 2011

Gisultihan ko na kamo sa akong sulat kaninyo nga dili kamo makig-uban sa mga makihilawason.

Cross References

Mga Panultihon 9:6

Biyai ang pagkayano, ug mabuhi ikaw, ug lakaw subay sa dalan sa maayong pagpanabot.”

1 Mga Taga-Corinto 5:10

Hinuon dili na lang gayod sa tanang makihilawason niining kalibotana, o sa mga hakog ug mga tikasan o mga tigsimba ug mga diosdios, kay kon mao pa, kinahanglan unta nga mamahawa na lang kamo niining kalibotana.

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

1 Mga Taga-Corinto 5:7

Hinloa gikan kaninyo ang daang patubo aron kamo mahimong bag-ong minasa ingon nga kamo walay patubo. Kay gihalad na si Cristo, ang nating karnero sa Pagsaylo.

2 Mga Taga-Corinto 6:14

Ayaw kamo pagpakighiusa uban sa dili magtutuo. Kay unsa may anaa sa panag-abin sa pagkamatarong ug sa pagkadaotan? O unsa may panag-ambitan sa kahayag ug sa kangitngit?

2 Mga Taga-Corinto 6:17

Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.

Mga Taga-Efeso 5:11

Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini.

2 Mga Taga-Tesalonica 3:14

Kon aduna may magdumili sa pagtuman sa among gisulti niining sulata, timan-i ninyo kanang tawhana ug ayaw pakig-uban kaniya aron siya mobati ug kaulaw.

2 Mga Taga-Tesalonica 3:6

Karon, mga igsoon, sa ngalan sa atong Ginoong Jesu-Cristo, kami magsugo kaninyo nga magpalayo kamo gikan sa tanang igsoon nga nagkinabuhi nga tapolan ug dili sumala sa pagtulun-an nga inyong nadawat gikan kanamo.