1 Mga Taga-Corinto 5:8

Ang Biblia 2011

Busa himoon nato ang kasaulogan, dili pinaagi sa daan nga patubo, dili pinaagi sa patubo nga mao ang pagkangil-ad ug pagkadaotan, kondili pinaagi sa walay patubo nga pan sa pagkamatinud-anon ug sa kamatuoran.

Cross References

Salmo 32:2

Bulahan ang tawo nga kaniya wala isipa sa Ginoo ang kasal-anan, ug nga diha sa iyang espiritu walay limbong.

Salmo 42:4

Sa dihang nahinumdom ako niini ang akong kasingkasing naguol pag-ayo: giunsa nako pag-uban sa panon sa katawhan, ug sa pagpangulo kanila sa pagpanglakaw ngadto sa balay sa Dios, uban sa tingog sa kalipay ug pagpasalamat, usa ka dakong panon nga nagsaulog.

Exodo 12:15

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Exodo 12:19

Sulod sa pito ka adlaw kinahanglan nga walay patubo nga makaplagan diha sa inyong mga balay, kay si bisan kinsa nga mokaon niadtong may patubo, kanang tawhana ipahimulag gikan sa katilingban sa Israel, langyaw man siya o lumad sa yuta.

Exodo 12:8

Nianang gabhiona ilang kaonon ang unod nga inasal. Uban sa mga pan nga walay patubo ug sa mga utanon nga pait ila kining kaonon.

Exodo 13:6

Pito ka adlaw nga kamo magkaon sa pan nga walay patubo, ug sa ikapitong adlaw himoa ang kasaulogan ngadto sa Ginoo.

Exodo 13:7

Pan nga walay patubo maoy inyong kaonon sulod sa pito ka adlaw ug walay pan nga may patubo nga makita diha kaninyo o patubo nga makita diha sa inyong dapit.

Isaias 25:6

Niining bukira ang Ginoo sa mga panon maghimo alang sa tanang mga katawhan ug usa ka kasaulogan sa tambok nga mga butang, usa ka kasaulogan sa mga maayong bino, sa mga butang nga tambok nga puno sa uyok, sa maayong bino nga pinalugdang nga maayong pagkasala.

Isaias 30:29

Makabaton kamo ug usa ka alawiton ingon sa gabii sa dihang saulogon ang usa ka balaan nga kasaulogan, ug kalipay sa kasingkasing sa diha nga ang usa ka tawo magpatingog uban ang usa ka plawta aron sa pag-adto sa bukid sa Ginoo, ngadto sa Bato sa Israel.

Levitico 23:6

Sa ikanapulo ug lima nga adlaw niining bulana mao ang Kasaulogan sa Pan nga Walay Patubo alang sa Ginoo. Pito ka adlaw kamong magkaon ug mga pan nga walay patubo.

Mateo 16:12

Unya nakasabot na sila nga wala diay siya magsulti kanila sa paglikay sa patubo sa pan kondili nga ilang likayan ang pagtulun-an sa mga Pariseo ug sa mga Saduceo.

Mateo 16:6

Unya si Jesus miingon kanila, “Bantayi ug likayi ninyo ang patubo sa pan nga ila sa mga Pariseo ug sa mga Saduceo.”

Marcos 8:15

Ug sila gipasidan-an niya nga nag-ingon, “Tan-awa, ug pagbantay kamo sa patubo sa pan sa mga Pariseo ug sa patubo sa pan ni Herodes.”

Lucas 12:1

Sa maong higayon, sa nagkatigom ang linibo sa mga panon sa katawhan nga tungod niana nagkatinumbanay sila, si Jesus misugod sa pagsulti ngadto una sa iyang mga tinun-an, “Pagbantay kamo sa patubo sa pan sa mga Pariseo nga mao ang pagpakaaron-ingnon.

Juan 1:47

Ug nakita ni Jesus si Natanael nga nagpaingon kaniya ug miingon mahitungod kaniya, “Tan-awa, aniay usa ka tinuod nga Israelinhon nga diha kaniya walay pagpanglimbong!”

1 Mga Taga-Corinto 3:3

kay kamo unodnon pa man gihapon. Kay samtang anaa pa kaninyo ang kasina ug ang panag-away, dili ba unodnon kamo ug nagkinabuhi sumala sa pagkatawhanon?

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

1 Mga Taga-Corinto 5:6

Kining pagpasigarbo ninyo dili maayo. Wala ba kamo masayod nga ang diyotay nga patubo mopatubo sa tibuok nga minasa?

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 8:8

Ako nagsulti niini dili ingon nga sugo, kondili aron sa pagpamatuod nga ang inyong gugma matuod usab pinaagi sa pagkamatinud-anon sa uban.

Mga Taga-Efeso 6:24

Ang grasya maanaa unta sa tanan nga nahigugma sa Ginoong Jesu-Cristo uban sa gugmang walay kamatayon.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

Deuteronomio 16:3

Ayaw kamo pagkaon ug pan nga adunay patubo uban niini. Pito ka adlaw nga kamo magkaon niini uban ang pan nga walay patubo, ang pan sa kasakit kay midali kamo sa paggula gikan sa yuta sa Ehipto, aron nga sa tanang mga adlaw sa inyong kinabuhi mahinumdom kamo sa adlaw nga migula kamo gikan sa yuta sa Ehipto.

Josue 24:14

“Busa karon kahadloki ninyo ang Ginoo, ug alagari siya diha sa pagkamatinud-anon ug sa pagkamatinumanon. Isalikway ninyo ang mga dios nga gialagaran sa inyong mga ginikanan sa unahan sa Suba ug sa Ehipto ug alagari ang Ginoo.

1 Pedro 4:2

aron nga magkinabuhi sa nahibilin nga panahon diha sa unod dili na sumala sa tawhanong mga pangibog kondili sumala sa kabubut-on sa Dios.