1 Mga Taga-Corinto 5:6

Ang Biblia 2011

Kining pagpasigarbo ninyo dili maayo. Wala ba kamo masayod nga ang diyotay nga patubo mopatubo sa tibuok nga minasa?

Cross References

Oseas 7:4

Silang tanan mga mananapaw; sila sama sa usa ka hudno nga giinit, nga ang mga tigluto mihunong sa pagpasiga sa kalayo, gikan sa pagmasa, hangtod nga kini mitubo.

Mateo 13:33

Ug misugilon siya kanila ug lain pang sambingay, “Ang gingharian sa langit sama sa patubo nga gikuha sa usa ka babaye ug gisagol niya pagmasa sa tulo ka takos nga harina hangtod nga kini mitubo.”

Lucas 13:21

Kini sama sa patubo sa pan nga gikuha sa usa ka babaye ug gisagol sa tulo ka takos nga harina, hangtod nga mitubo ang tanan.”

Roma 6:16

Wala ba kamo masayod nga kon itugyan ninyo ang inyong kaugalingon ingon nga mga masinugtanong ulipon ngadto kang bisan kinsa, kamo mga ulipon niya nga inyong gituman, mahimong ngadto sa sala nga maghatod ngadto sa kamatayon o ngadto sa pagkamasinugtanon nga maghatod ngadto sa pagkamatarong?

1 Mga Taga-Corinto 15:33

Ayaw kamo pagpahisalaag, “Ang daotang pakig-uban makadaot sa maayong pamatasan.”

1 Mga Taga-Corinto 3:21

Busa walay usa nga angayng magpasigarbo diha sa mga tawo kay inyo ang tanang mga butang,

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

Mga Taga-Galacia 5:9

Ang diyotay nga patubo magpatubo sa tibuok nga minasa.

2 Timoteo 2:17

ug ang ilang sulti nag-ut-ot kanila sama sa kabahong. Ang uban kanila mao sila si Himeneo ug si Fileto,

Santiago 4:16

Apan karon nanghambog kamo sa inyong pagkaandakan. Daotan ang maong pagpangandak.