1 Mga Taga-Corinto 5:13

Ang Biblia 2011

Ang Dios mao ang maghukom kanila nga anaa sa gawas. “Papahawaa gikan sa inyong taliwala kanang tawong daotan.”

Cross References

Salmo 50:6

Ang kalangitan nagpadayag sa iyang pagkamatarong, kay ang Dios gayod mao ang maghuhukom! Selah

Ecclesiastes 9:18

Ang kaalam maayo pa kay sa mga hinagiban sa gubat, apan ang usa ka makasasala nakalaglag ug daghang maayo.

Mateo 18:17

Kon magdumili siya sa pagpaminaw kanila, isugilon ngadto sa iglesia ug kon dili gihapon siya maminaw bisan pa sa iglesia, isipa siya nga usa ka Gentil ug tigpaningil ug buhis.

Mga Buhat 17:31

kay siya nagtakda ug adlaw kon kanus-a niya hukman ang kalibotan diha sa pagkamatarong pinaagi sa usa ka tawo nga iyang gitudlo, ug niini naghatag siya ug pasalig ngadto sa tanang mga tawo pinaagi sa pagbanhaw kaniya gikan sa mga patay.”

Roma 2:16

unya sa maong Adlaw nga, sumala sa akong Maayong Balita, hukman sa Dios ang mga tinagoan sa mga tawo pinaagi kang Cristo Jesus.

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

1 Mga Taga-Corinto 5:5

itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

1 Mga Taga-Corinto 5:7

Hinloa gikan kaninyo ang daang patubo aron kamo mahimong bag-ong minasa ingon nga kamo walay patubo. Kay gihalad na si Cristo, ang nating karnero sa Pagsaylo.

Deuteronomio 13:5

Apan ang maong propeta o ang maong tighubad sa mga damgo kinahanglang patyon tungod kay siya nagtudlo ug pagsukol batok sa Ginoo nga inyong Dios nga nagkuha kaninyo gikan sa yuta sa Ehipto ug naglukat kaninyo gikan sa balay sa kaulipnan, aron sa pagpabiya kaninyo sa dalan nga gipalaktan kaninyo sa Ginoo nga inyong Dios. Busa puoha ninyo ang daotan gikan sa inyong taliwala.

Deuteronomio 17:12

Ug ang tawo nga masinupakon ug dili motuman sa pari nga nagtindog sa pag-alagad diha sa atubangan sa Ginoo nga inyong Dios o sa maghuhukom, ang maong tawo kinahanglang mamatay. Busa puoha ninyo ang daotan gikan sa Israel.

Deuteronomio 17:7

Ang mga kamot sa mga saksi mao ang una nga idapat kaniya sa pagpatay kaniya, ug human niini, ang mga kamot sa tanang katawhan. Busa puoha ninyo ang daotan sa inyong taliwala.

Deuteronomio 21:21

Ug ang tanan nga mga tawo sa iyang siyudad magbato kaniya ngadto sa kamatayon. Sa ingon niini puohon ninyo ang daotan gikan sa inyong taliwala ug ang tibuok nga Israel mamati ug mahadlok.

Deuteronomio 22:24

dad-a ninyo silang duha sa ganghaan niadtong lungsora ug batoa ninyo sila hangtod mamatay, ang batan-on nga babaye kay wala siya mosinggit sa pagpakitabang nga diha man siya sa lungsod, ug ang lalaki kay gipanamastamasan niya ang asawa sa iyang isigkatawo. Sa ingon niini puohon ninyo ang daotan gikan sa inyong taliwala.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

2 Pedro 2:9

ang Ginoo nahibalo gayod unsaon sa pagluwas sa mga tawong diosnon gikan sa mga pagsulay ug sa pagbutang sa mga dili matarong ilalom sa silot hangtod sa adlaw sa paghukom,

Mga Maghuhukom 20:13

Busa karon, itugyan ang mga tawo, ang mga daotang tawo sa Gibea, aron amo silang patyon ug wagtangon ang daotan sa Israel.” Apan ang mga kaliwat ni Benjamin wala mamati sa tingog sa ilang mga igsoon, ang katawhan sa Israel.