1 Mga Taga-Corinto 5:10

Ang Biblia 2011

Hinuon dili na lang gayod sa tanang makihilawason niining kalibotana, o sa mga hakog ug mga tikasan o mga tigsimba ug mga diosdios, kay kon mao pa, kinahanglan unta nga mamahawa na lang kamo niining kalibotana.

Cross References

Lucas 18:11

Ang Pariseo nagbarog ug nag-ampo diha sa iyang kaugalingon, ‘O Dios, nagpasalamat ako kanimo nga dili ako sama sa ubang mga tawo nga tikasan, daotan, mananapaw ug dili usab sama niining tigpaningil ug buhis.

Juan 15:19

Kon kamo iya pa sa kalibotan, ang kalibotan nahigugma unta sa mga iya, apan kay kamo dili man iya sa kalibotan, hinuon gipili kamo nako gikan sa kalibotan, tungod niini nagdumot kaninyo ang kalibotan.

Juan 17:6

“Gipadayag nako ang imong ngalan ngadto sa mga tawo nga imong gitugyan kanako gikan sa kalibotan. Kini sila imo apan gitugyan nimo sila kanako ug gituman nila ang imong pulong.

Juan 17:9

Ako nangamuyo alang kanila. Wala ako mangamuyo alang sa kalibotan, kondili alang kanila nga imong gitugyan kanako kay sila imo man.

Juan 8:23

Siya miingon kanila, “Kamo gikan sa ubos, ako gikan sa itaas. Kamo gikan niining kalibotana, ako dili gikan niining kalibotana.

1 Mga Taga-Corinto 1:20

Hain na man ang maalamon? Hain na man ang eskriba? Hain na man ang tiglantugi niining panahona? Wala ba himoang binuang sa Dios ang kaalam sa kalibotan?

1 Mga Taga-Corinto 10:27

Kon usa sa mga dili magtutuo modapit kaninyo sa pagpangaon ug buot kamong moadto, kaon kamo sa bisan unsay idulot kaninyo sa walay pagpangutana alang sa tanlag.

1 Mga Taga-Corinto 5:11

Apan karon ako nagsulat kaninyo nga dili kamo makigkauban kang bisan kinsa nga nagpakaigsoon nga makihilawason o hakog o tigsimbag mga diosdios o tigpasipala o palahubog o tikasan, dili gayod bisan sa pagpakigsalo kaniya sa pagpangaon.

1 Mga Taga-Corinto 5:9

Gisultihan ko na kamo sa akong sulat kaninyo nga dili kamo makig-uban sa mga makihilawason.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Mga Taga-Efeso 2:2

Kaniadto kamo nagkinabuhi sumala sa pamaagi niining kalibotana, sumala sa kagamhanan sa kahanginan, sa espiritu nga karon mao ang naglihok diha sa mga tawong masupilon.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

1 Juan 4:5

Sila iya sa kalibotan, busa ang ilang gisulti iya sa kalibotan ug ang kalibotan namati kanila.

1 Juan 4:7

Mga hinigugma, maghigugmaay kita sa usa ug usa kay ang gugma iya sa Dios, ug siya nga nahigugma gipakatawo sa Dios ug nakaila sa Dios.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.