1 Mga Taga-Corinto 4:6

Ang Biblia 2011

Karon kining tanan, mga igsoon, akong gibutang sa akong kaugalingon ug kang Apolos tungod ug alang kaninyo aron nga pinaagi kanamo kamo makakat-on sa mga butang nga dili lapas sa unsay nasulat, aron wala kaninyoy manghambog alang sa usa batok sa usa.

Cross References

Salmo 146:3

Ayaw ibutang ang inyong pagsalig sa mga pangulo, sa anak sa tawo, nga kaniya walay tabang.

Salmo 8:4

unsa ba ang tawo nga ikaw matinagdanon man kaniya ug ang anak sa tawo nga ikaw mag-atiman man kaniya?

Isaias 2:22

Biyai ninyo ang tawo nga ang gininhawa anaa sa iyang ilong; kay sa unsa man siya isipon?

Mga Buhat 18:24

Niadtong panahona miabot sa Efeso ang usa ka Judio nga ginganlan ug Apolos, lumad sa Alejandria. Siya usa ka tawo nga maayong manulti ug batid sa kasulatan.

Mga Buhat 19:1

Samtang didto si Apolos sa Corinto, si Pablo miagi sa mga kayutaan sa ibabaw ug miabot sa Efeso diin iyang gikatagbo ang pipila ka tinun-an.

Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

1 Mga Taga-Corinto 1:12

Ako nagsulti niini karon kay ang matag usa kaninyo nag-ingon, “Ako iya ni Pablo,” o “Ako iya ni Apolos,” o “Ako iya ni Cefas,” o “Ako iya ni Cristo.”

1 Mga Taga-Corinto 1:19

Kay nasulat kini, “Akong gub-on ang kaalam sa mga maalamon ug akong isalikway ang kalantip sa mga hait ug salabotan.”

1 Mga Taga-Corinto 1:31

aron nga sumala sa nasulat, “Ang magpasigarbo, pagpasigarboha diha sa Ginoo.”

1 Mga Taga-Corinto 13:4

Ang gugma mapailobon ug maluluy-on. Ang gugma dili masinahon, dili manghambog.

1 Mga Taga-Corinto 3:19

Kay ang kaalam niining kalibotana binuang alang sa Dios. Kay nasulat, “Iyang dakpon ang mga maalamon diha sa ilang pagkamaalamon.”

1 Mga Taga-Corinto 3:21

Busa walay usa nga angayng magpasigarbo diha sa mga tawo kay inyo ang tanang mga butang,

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

1 Mga Taga-Corinto 5:6

Kining pagpasigarbo ninyo dili maayo. Wala ba kamo masayod nga ang diyotay nga patubo mopatubo sa tibuok nga minasa?

1 Mga Taga-Corinto 8:1

Karon mahitungod sa mga hinalad ngadto sa mga diosdios: kita nasayod nga “kitang tanan adunay kahibalo.” Ang kahibalo magpagarbo apan ang gugma magpalig-on.

1 Mga Taga-Corinto 9:23

Akong gibuhat kining tanan tungod sa Maayong Balita, aron ako makaambit niini.

2 Mga Taga-Corinto 10:12

Dili ingon nga kami nangahas sa pagpakig-ingon o sa pagpakigtandi kanila nga nagdayeg sa ilang kaugalingon, apan sila nga nagsinukdanay sa ilang kaugalingon ug nagtinandiay sa ilang kaugalingon—sila dili maalamon.

2 Mga Taga-Corinto 10:15

Wala kami magpasigarbo lapaw sa among sukod diha sa mga hinagoan sa ubang tawo. Hinuon ang among paglaom mao nga sa diha nga magtubo ang inyong pagtuo, modako unta ang luna sa among paghago diha kaninyo,

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

2 Mga Taga-Corinto 11:4

Kay maayo man kaayo kamong motubay kon adunay motungha nga magwali ug Jesus nga lahi sa among giwali, ug dali ra kaayo kamong modawat ug lahi nga espiritu kay sa inyong nadawat ug lahi nga maayong balita kay sa inyong gidawat.

2 Mga Taga-Corinto 12:19

Nagdahom ba kamo nga sulod niining panahona kami nagsulti sa pagpanalipod sa among kaugalingon sa inyong atubangan? Sa atubangan sa Dios kami nagsulti diha kang Cristo, ug kining tanan alang sa paglig-on kaninyo, mga hinigugma.

2 Mga Taga-Corinto 12:20

Kay ako nahadlok nga inig-abot nako diha tingali ug makaplagan ko kamo sa kahimtang nga dili nako buot, ug nga makaplagan ako ninyo sa kahimtang nga dili ninyo buot. Tingalig makaplagan ko kamo nga may panaglalis, kasina, kapungot, pag-iya-iya, mga pagdinaotay sa dungog, linibakay, pagpanghambog ug kagubot.

2 Mga Taga-Corinto 12:6

Bisan pa kon buot ako nga magpasigarbo, dili ako magpakabuang kay magsulti man ako sa tinuod. Apan naglikay ako niini aron walay bisan kinsa nga mag-isip kanako nga labaw pa kay sa akong pagkamao sumala sa iyang nakita kanako o sa iyang nadungog gikan kanako.

2 Mga Taga-Corinto 4:15

Kay kining tanan tungod ug alang kaninyo aron nga samtang ang grasya modagaya ngadto sa daghan pang mga tawo, kini makapadagaya unta sa mga pasalamat ngadto sa himaya sa Dios.

Mga Taga-Colosas 2:18

Ayaw kamo pagpahisalaag niadtong buot magpakaubos ug nagsimba ug mga anghel, nagbarog diha sa iyang mga panan-awon, nga sa walay katarongan nagpasigarbo tungod sa iyang unodnon nga mga panghunahuna.

1 Mga Taga-Tesalonica 1:5

kay ang among Maayong Balita miabot kaninyo dili diha sa pulong lamang, kondili diha usab sa gahom ug sa Espiritu Santo ug sa dakong pagsalig. Kamo nasayod unsa kaming matanga diha sa inyong taliwala tungod kaninyo.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.