1 Mga Taga-Corinto 4:4

Ang Biblia 2011

Kay wala akoy nahibaloan nga bisan unsa batok sa akong kaugalingon apan dili pinaagi niini nga ako nahimong matarong, kay ang maghukom kanako mao ang Ginoo.

Cross References

Job 15:14

Unsa ba ang tawo nga mahimo siyang hinlo? O siya nga gipanganak sa babaye nga mahimo siyang matarong?

Job 25:4

Unsaon man sa tawo sa pagkahimong matarong atubangan sa Dios? Unsaon man pagkahinlo niya nga natawo sa usa ka babaye?

Job 27:6

Akong huptan ang akong pagkamatarong ug dili gayod nako buhian; ang akong kasingkasing dili magsudya kanako samtang buhi pa ako.

Job 40:4

“Tan-awa, ako walay pulos, unsa ba ang akong itubag kanimo? Gitapion nako ang akong kamot sa akong baba.

Job 9:20

Bisan ug ako walay sala, ang akong kaugalingong baba maghukom kanako; bisan ug ako dili masaway, pamatud-an niya nga ako sukwahi.

Salmo 130:3

Kon ikaw, O Ginoo, nagtimaan pa unta sa mga kasal-anan, O Ginoo, kinsa ba ang makasugakod?

Salmo 143:2

Ayaw hukmi ang imong alagad; kay walay tawo nga buhi nga matarong sa imong atubangan.

Salmo 19:12

Kinsa ba ang makaila sa iyang mga sayop? Hinloi ako gikan sa mga sala nga natago.

Salmo 26:12

Ang akong tiil nagtindog sa dapit nga patag; diha sa dakong katilingban magdayeg ako sa Ginoo.

Salmo 50:6

Ang kalangitan nagpadayag sa iyang pagkamatarong, kay ang Dios gayod mao ang maghuhukom! Selah

Mga Panultihon 21:2

Ang matag dalan sa usa ka tawo matarong diha sa iyang kaugalingong mga mata, apan ang Ginoo magtimbang sa kasingkasing.

Mga Panultihon 29:26

Daghan ang nangita sa kahimuot sa pangulo, apan ang tawo nagdawat ug hustisya gikan sa Ginoo.

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Mga Buhat 23:1

Ug si Pablo, samtang nagtutok sa Sanhedrin miingon, “Mga igsoon, sa atubangan sa Dios nagkinabuhi ako diha sa hinlo gayod nga tanlag hangtod niining adlawa.”

Roma 2:13

Kay dili ang mga namati sa Balaod maoy matarong atubangan sa Dios, kondili ang mga nagtuman sa Balaod mao ang himoong matarong.

Roma 4:2

Kay kon si Abraham nahimo pang matarong tungod sa iyang mga binuhatan, aduna unta siyay ikapasigarbo, apan dili sa atubangan sa Dios.

1 Mga Taga-Corinto 4:3

Apan sa akong bahin, gamay ra kaayo kining butanga nga ako hukman ninyo o sa bisan unsang hukmanan nga tawhanon. Apan sa akong kaugalingon wala gani ako maghukom.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 5:10

Kay kitang tanan kinahanglan mangatubang sa hukmanan ni Cristo aron ang matag usa modawat sumala sa nabuhat sa iyang lawas, maayo man o daotan.