1 Mga Taga-Corinto 4:19

Ang Biblia 2011

Apan moanha gayod ako kaninyo sa dili madugay, kon itugot sa Ginoo ug unya akong masuta dili ang sinultihan niining mga nagmapahitas-on, kondili ang ilang gahom.

Cross References

Mga Buhat 18:21

Apan sa pagpanamilit na niya kanila, siya miingon, “Mobalik ra ako kaninyo kon itugot sa Dios.” Unya milawig siya gikan sa Efeso.

Mga Buhat 19:21

Unya human niining maong mga hitabo, si Pablo mihukom diha sa Espiritu sa pag-agi sa Macedonia ug sa Acaya ug sa pag-adto sa Jerusalem, nga nag-ingon, “Gikan didto kinahanglang moduaw usab ako sa Roma.”

Mga Buhat 20:2

Sa nalatas na niya ang maong mga dapit ug nakahatag kanila ug daghang pagdasig, miadto siya sa Gresya.

Roma 15:32

aron nga pinaagi sa kabubut-on sa Dios, moanha ako kaninyo nga malipayon ug makapahulay ug diyotay uban kaninyo.

1 Mga Taga-Corinto 11:34

kon aduna may gigutom, adto siya pakan-a sa iyang balay; aron sa inyong pagtigom dili kamo hukman ug silot. Mahitungod sa uban pang mga butang, kini akong husayon inig-anha nako.

1 Mga Taga-Corinto 14:5

Buot ako nga kamong tanan magsulti ug laing mga pinulongan apan labaw pa unta kon kamo magpropesiya. Ang nagpropesiya labaw kay kaniya nga nagsulti ug laing mga pinulongan gawas kon adunay maghubad sa kahulogan niini, aron ang iglesia malig-on.

1 Mga Taga-Corinto 16:5

Moanha ako kaninyo human sa akong pag-agi sa Macedonia, kay moagi man gayod ako sa Macedonia,

1 Mga Taga-Corinto 16:7

Kay dili ako buot nga mohapit lamang kaninyo, ug gilaoman nako nga magpabilin una uban kaninyo kon itugot man sa Ginoo.

1 Mga Taga-Corinto 2:6

Apan ang kaalam nga among gisulti ngadto sa mga hamtong, kaalam nga dili iya niining panahon o sa mga pangulo niini nga lumalabay.

1 Mga Taga-Corinto 4:18

Apan ang uban kaninyo nagmapahitas-on ingon nga daw dili ako moanha kaninyo.

1 Mga Taga-Corinto 4:6

Karon kining tanan, mga igsoon, akong gibutang sa akong kaugalingon ug kang Apolos tungod ug alang kaninyo aron nga pinaagi kanamo kamo makakat-on sa mga butang nga dili lapas sa unsay nasulat, aron wala kaninyoy manghambog alang sa usa batok sa usa.

2 Mga Taga-Corinto 1:23

Apan ako nagtawag sa Dios ingon nga saksi batok sa akong kinabuhi—aron malikay kamo sa kasakit wala na lang ako moanha diha sa Corinto.

2 Mga Taga-Corinto 10:9

Dili ako buot nga masabot nga nanghadlok kaninyo pinaagi sa mga sulat.

Mga Hebreo 6:3

Ug mao kini ang atong buhaton kon itugot man sa Dios.

Santiago 4:15

Moingon unta kamo, “Kon itugot sa Ginoo, kami mabuhi ug among buhaton kini o kana.”