1 Mga Taga-Corinto 4:17

Ang Biblia 2011

Tungod niini akong gipadala kaninyo si Timoteo nga akong pinalangga ug kasaligang anak diha sa Ginoo, aron sa pagpahinumdom kaninyo mahitungod sa akong mga pamaagi diha kang Cristo, ingon sa akong pagpanudlo sa tanang mga iglesia bisan diin.

Cross References

Mga Panultihon 13:17

Ang usa ka daotan nga sinugo magdalag kadaot, apan ang usa ka matinumanon nga sinugo magdala ug kaayohan.

Numeros 12:7

Dili sama niini si Moises nga akong alagad, siya gitugyanan sa tibuok nakong panimalay.

Mateo 24:45

“Kinsa ba ang kasaligan ug maalamon nga ulipon nga gitudlo sa iyang agalon sa pagdumala sa panimalay niini aron paghatag kanila sa ilang pagkaon sa hustong panahon?

Mateo 25:21

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Mateo 25:23

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Mga Buhat 16:1

Unya miadto usab si Pablo sa Derbe ug sa Listra. Ug didtoy usa ka tinun-an nga ginganlan ug Timoteo, anak sa usa ka magtutuong babaye nga Judio, apan ang iyang amahan Grego.

1 Mga Taga-Corinto 11:16

Apan kon aduna may makiglalis bahin niini, wala kita nianang batasana bisan ang mga iglesia nga iya sa Dios.

1 Mga Taga-Corinto 11:2

Gidayeg ko kamo tungod sa inyong paghinumdom kanako sa tanang paagi ug sa paghupot sa gikabiling mga pagtulun-an ingon sa akong pagbilin kaninyo.

1 Mga Taga-Corinto 11:34

kon aduna may gigutom, adto siya pakan-a sa iyang balay; aron sa inyong pagtigom dili kamo hukman ug silot. Mahitungod sa uban pang mga butang, kini akong husayon inig-anha nako.

1 Mga Taga-Corinto 14:33

Kay ang Dios dili Dios sa kasamok, kondili sa kalinaw. Sama sa batasan sa tanang mga iglesia sa mga balaan,

1 Mga Taga-Corinto 16:1

Karon mahitungod sa amot alang sa mga balaan, sumala sa akong gitugon sa mga iglesia sa Galacia, buhata usab ninyo.

1 Mga Taga-Corinto 16:10

Inig-abot diha ni Timoteo, tan-awa nga dili siya mataha kaninyo kay siya nagbuhat sa buluhaton sa Ginoo sama kanako.

1 Mga Taga-Corinto 4:14

Ako wala magsulat niini aron sa pagpakaulaw kaninyo kondili aron sa pagtambag kaninyo ingon nga akong pinalanggang mga anak.

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

1 Mga Taga-Corinto 4:2

Dugang pa, gikinahanglan nga ang mga piniyalan magpakita nga kasaligan.

1 Mga Taga-Corinto 7:17

Hinuon kinahanglang magkinabuhi ang matag usa sumala sa gibahin sa Dios sa matag usa, sumala sa pagtawag sa Ginoo sa matag usa. Busa ako nagmando diha sa tanang iglesia.

1 Mga Taga-Corinto 7:25

Karon mahitungod sa mga dili minyo, ako walay sugo gikan sa Ginoo, hinuon aniay akong hunahuna nga ihatag ingon nga tawong kasaligan tungod sa kaluoy sa Ginoo.

2 Mga Taga-Corinto 8:18

Uban kaniya among gipadala ang igsoon nga nabantog na sa tanang mga iglesia tungod sa iyang pagsangyaw sa Maayong Balita.

Mga Taga-Efeso 6:21

Ug aron kamo usab mahibalo sa akong kahimtang, ug kon unsa ang akong gibuhat, si Tiquico, ang hinigugmang igsoon ug kasaligan nga sulugoon sa Ginoo, maoy mosulti kaninyo sa tanan.

Mga Taga-Filipos 2:19

Naglaom ako diha sa Ginoong Jesus nga sa dili madugay akong ipadala si Timoteo nganha kaninyo aron malipay usab ako sa pagkahibalo sa mga butang mahitungod kaninyo.

Mga Taga-Filipos 2:22

Apan kamo nasayod sa katakos ni Timoteo, kon giunsa niya sa pag-alagad uban kanako diha sa buluhaton sa Maayong Balita, ingon sa usa ka anak nga nag-alagad sa iyang amahan.

Mga Taga-Colosas 1:7

ingon nga inyo kining nakat-onan gikan kang Epafras nga atong hinigugma nga kaubang ulipon. Siya kasaligan nga alagad ni Cristo alang kanato

Mga Taga-Colosas 4:9

Ug kuyog kaniya mao si Onesimo, ang kasaligan ug hinigugma nga igsoon nga usa kaninyo. Sila magsugilon kaninyo sa tanang nahitabo diri.

1 Timoteo 1:18

Kining maong sugo akong gitugyan kanimo, Timoteo, anak, sumala sa mga propesiya kaniadto mahitungod kanimo nga ikaw makigbisog pinaagi sa maayong pagpakig-away,

1 Timoteo 1:2

Ngadto kang Timoteo nga akong tinuod nga anak sa pagtuo: Ang grasya, kaluoy ug ang kalinaw gikan sa Dios nga Amahan ug kang Cristo Jesus nga atong Ginoo.

2 Timoteo 1:2

Alang kang Timoteo nga akong hinigugmang anak: Ang grasya, kaluoy ug kalinaw gikan sa Dios nga Amahan ug kang Cristo Jesus nga atong Ginoo.

2 Timoteo 2:2

ug ang mga butang nga imong nadungog gikan kanako sa atubangan sa daghang mga saksi, itugyan ngadto sa kasaligan nga mga tawo nga may katakos sa pagpanudlo usab sa uban.

2 Timoteo 3:10

Apan ikaw nakasunod pag-ayo sa akong pagpanudlo, sa paggawi, sa tumong sa kinabuhi, sa pagtuo, sa pagkamainantoson, sa gugma, sa pagkamalahutayon,

Tito 1:5

Mao kini ang hinungdan nga gibilin ko ikaw sa Creta, aron ipahimutang nimo ang mga butang nga nakulang ug magtudlo ikaw ug mga kadagkoan sa matag lungsod sumala sa akong gisugo kanimo,

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 2:13

“ ‘Nasayod ako sa dapit nga imong gipuy-an, diin anaa ang trono ni Satanas. Gihuptan nimo ang akong ngalan ug wala nimo ilimod ang imong pagtuo kanako bisan pa sa mga adlaw ni Antipas nga akong saksi, ang akong sinaligan nga gipatay diha kaninyo, diin nagpuyo si Satanas.