1 Mga Taga-Corinto 4:15

Ang Biblia 2011

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

Cross References

Numeros 11:12

Ako ba ang nagsamkon niining tibuok nga katawhan? Ug ako bay nanganak kanila aron mag-ingon ikaw kanako, ‘Dad-a sila sa imong sabakan sama sa tig-alima nga nagdala sa batang masuso’ ngadto sa yuta nga imong gipanumpa sa ilang katigulangan?

Roma 15:20

Busa maoy akong tinguha ang pagwali sa Maayong Balita, dili sa mga dapit diin nailhan na ang ngalan ni Cristo aron dili ako magtukod ibabaw sa patukoranan nga gipahiluna sa laing tawo,

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 15:1

Mga igsoon, pahinumdoman ko kamo sa Maayong Balita nga akong giwali kaninyo, nga inyong gidawat ug nga niini kamo nagbarog.

1 Mga Taga-Corinto 3:10

Sumala sa grasya sa Dios nga gihatag kanako, ingon sa usa ka batid nga magtutukod, ako nagpahimutang sa patukoranan, apan laing tawo ang nagtukod ibabaw niini. Apan patan-awa ang matag usa kon unsaon niya sa pagtukod ibabaw niini.

1 Mga Taga-Corinto 3:6

Ako ang nagtanom, si Apolos ang nagbisibis, apan ang Dios ang nagpatubo.

1 Mga Taga-Corinto 3:8

Siya nga nagtanom ug siya nga nagbisibis managsama ra, ug ang matag usa modawat sa iyang suhol sumala sa iyang paghago.

1 Mga Taga-Corinto 9:12

Kon ang uban nagpahimulos sa maong katungod diha kaninyo, dili ba labaw pa unta kami? Hinuon, kami wala magpahimulos sa maong katungod, apan giantos namo ang tanan aron dili kami makahatag ug babag sa Maayong Balita ni Cristo.

1 Mga Taga-Corinto 9:14

Sa samang paagi, ang Ginoo misugo nga kadtong nagsangyaw sa Maayong Balita mabuhi gikan sa Maayong Balita.

1 Mga Taga-Corinto 9:16

Kay kon giwali man nako ang Maayong Balita, wala akoy angay nga ipasigarbo kay ang panginahanglan gisangon man kanako. Alaot ako kon dili nako iwali ang Maayong Balita!

1 Mga Taga-Corinto 9:18

Busa unsa man ang akong ganti? Nga sa akong pagwali ang Maayong Balita ikahatag nako nga walay bayad, sa walay pagpahimulos sa akong mga katungod sa pagwali sa Maayong Balita.

1 Mga Taga-Corinto 9:23

Akong gibuhat kining tanan tungod sa Maayong Balita, aron ako makaambit niini.

2 Mga Taga-Corinto 4:5

Kay wala kami magwali mahitungod sa among kaugalingon kondili si Jesu-Cristo ingon nga Ginoo ug kami mga ulipon ninyo tungod kang Jesus.

Mga Taga-Galacia 3:24

Busa ang Balaod nahimong atong tig-atiman hangtod kang Cristo, aron nga kita himoong matarong pinasikad sa pagtuo.

Mga Taga-Galacia 3:25

Apan karon nga ang pagtuo miabot na, dili na kita ilalom sa tig-atiman,

Mga Taga-Galacia 4:19

Mga anak ko, nga gikasakitan nako pag-usab hangtod nga si Cristo mahulma diha sa sulod ninyo!

2 Timoteo 4:3

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

Tito 1:4

Alang kang Tito, matuod nakong anak diha sa tinuohan nga atong giusahan: Ang grasya ug kalinaw gikan sa Dios nga Amahan ug kang Cristo Jesus nga atong Manluluwas.

Filemon 1:19

Ako si Pablo, nagsulat pinaagi sa akong kamot. Ako mobayad sa walay paghisgot kanimo nga ikaw nakautang kanako bisan gani ang imong kaugalingon.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.

1 Pedro 1:23

Kamo gipakatawo pag-usab, dili sa binhi nga madunot, kondili sa binhi nga walay pagkadunot pinaagi sa buhi ug mapadayonong pulong sa Dios,