1 Mga Taga-Corinto 4:12

Ang Biblia 2011

ug naghago, nagbuhat pinaagi sa among kaugalingong mga kamot. Sa dihang bugalbugalan, kami magpanalangin; sa dihang lutoson, kami moantos;

Cross References

Mateo 5:11

“Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako.

Mateo 5:44

Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo

Lucas 23:34

Unya si Jesus miingon, “Amahan, pasayloa sila, kay wala sila masayod sa ilang gibuhat.” Ug ilang giripahan ang iyang mga bisti aron sa pagbahin niini.

Lucas 6:28

Panalangini ang mga nagtunglo kaninyo ug pag-ampo alang sa mga nagdaogdaog kaninyo.

Juan 15:20

Hinumdomi ang pulong nga akong gisulti kaninyo, ‘Ang ulipon dili labaw sa iyang agalon.’ Kon sila naglutos kanako, sila maglutos usab kaninyo. Kon sila nagtuman sa akong pulong, sila motuman usab sa inyong pulong.

Mga Buhat 18:3

Ug kay siya sama man kanila ug pangita, nga mao ang pagpamuhat ug mga tolda, siya mipuyo uban kanila ug nagbuhat uban kanila.

Mga Buhat 20:34

Kamo gayod nahibalo nga kining mga kamota maoy nag-atiman alang sa akong mga panginahanglan ug sa akong mga kauban.

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

Roma 12:14

Panalangini kadtong mga naglutos kaninyo; pag-ampo ug ayaw panunglo.

Roma 12:20

Hinuon, “kon gutomon ang imong kaaway, pakan-a siya; kon uhawon, paimna siya; kay sa imong pagbuhat niini magpundok ikaw ug mga baga diha sa ibabaw sa iyang ulo.”

Roma 8:35

Kinsa ba ang makapahimulag kanato gikan sa gugma ni Cristo? Ang pag-antos ba o ang kasakitan o ang paglutos o ang gutom o ang kahubo o ang katalagman o ang espada ba?

1 Mga Taga-Corinto 9:6

O si Barnabas ra ba diay ug ako ang walay katungod nga dili manginabuhi?

2 Mga Taga-Corinto 11:8

Gisakmitan nako ang ubang mga iglesia pinaagi sa pagdawat ug hinabang gikan kanila aron lamang ako makaalagad kaninyo.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.

1 Mga Taga-Tesalonica 2:9

Kay kamo, mga igsoon, mahinumdom sa among paghago ug pagbudlay samtang kami nagwali kaninyo sa Maayong Balita sa Dios, kami usab naghago sa gabii ug sa adlaw aron kami dili makahatag ug kabug-at kang bisan kinsa kaninyo.

2 Mga Taga-Tesalonica 3:8

Kami wala magkaon sa pagkaon ni bisan kinsa nga walay bayad, hinuon, naghago ug nagbudlay sa gabii ug sa adlaw aron kami dili mahimong palas-anon ni bisan kinsa kaninyo.

1 Timoteo 4:10

Kay tungod niini kita naghago ug nanglimbasog, kay ato mang gipahimutang ang atong paglaom diha sa buhing Dios, nga mao ang Manluluwas sa tanang tawo, ilabina gayod sa mga nagtuo.

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.

1 Pedro 3:14

Apan kon paantoson man kamo tungod sa inyong pagbuhat ug matarong, bulahan kamo. Ayaw kamo kahadlok sa ilang pagpanghadlok o ayaw kahasol.

1 Pedro 3:9

dili magbalos ug daotan sa daotan o magbalos ug pasipala sa pagpasipala kondili magpanalangin hinuon kay alang niini kamo gitawag aron makaangkon ug panalangin.

1 Pedro 4:19

Busa sila nga nag-antos sumala sa pagbuot sa Dios kinahanglang magbuhat ug maayo ug magtugyan sa ilang mga kalag ngadto sa usa ka magbubuhat nga kasaligan.

Judas 1:9

Apan si Miguel, ang pangulong anghel, sa iyang pagpakiglantugi batok sa yawa, nga nakiglalis mahitungod sa lawas ni Moises, wala siya mangahas sa paglitok ug mapasipalahong hukom batok sa yawa, kondili miingon lamang, “Ang Ginoo magbadlong unta kanimo.”