1 Mga Taga-Corinto 4:10

Ang Biblia 2011

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

Cross References

2 Mga Hari 9:11

Sa diha nga si Jehu miadto sa mga sulugoon sa iyang agalon, sila miingon kaniya, “Maayo ba ang tanan? Nganong mianhi man kining buang nga tawo kanimo?” Ug siya miingon kanila, “Kamo nakaila sa tawo ug unsa ang iyang gipamulong.”

Mga Panultihon 11:12

Siya nga nagtamay sa iyang isigkatawo walay kaalam, apan ang tawo nga may panabot naghilom.

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Mateo 24:9

“Unya itugyan nila kamo ngadto sa kalisdanan ug ipapatay kamo ug dumtan sa tanang kanasoran tungod sa akong ngalan.

Mateo 5:11

“Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako.

Lucas 10:16

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Lucas 18:9

Ug iya usab nga gisugilon kining usa ka sambingay ngadto sa uban nga nagsalig sa ilang kaugalingon nga sila mga matarong ug nagtamay sa uban:

Lucas 6:22

“Bulahan kamo sa dihang dumtan kamo sa mga tawo, ug sa dihang isalikway kamo nila ug bugalbugalan, ug isalikway ang inyong ngalan ingon nga daotan tungod sa Anak sa Tawo!

Mga Buhat 17:18

Gikatagbo usab niya ang ubang mga magtutudlo nga mga Epikureo ug mga Estoico. Ug ang uban miingon, “Unsa man kahay buot isulti niining walay alamag nga nagpakamaalamon?” Ug ang uban, “Kini siya daw usa ka tigsangyaw sa mga dios nga langyaw”—kay iya man nga giwali si Jesus ug ang pagkabanhaw.

Mga Buhat 17:32

Sa ilang pagkadungog mahitungod sa pagkabanhaw sa mga patay, ang uban nagbugalbugal apan ang uban miingon, “Maminaw ra kami kanimo pag-usab mahitungod niini.”

Mga Buhat 26:24

Ug samtang si Pablo nanalipod sa iyang kaugalingon, si Festo miingon sa kusog nga tingog, “Nagsalimoang ka, Pablo. Ang imong daghang nakat-onan nakapabuang kanimo.”

Mga Buhat 9:16

kay ipakita nako kaniya kon unsa ka daghan ang kinahanglan niyang antoson tungod sa akong ngalan.”

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

1 Mga Taga-Corinto 1:23

kita usab nagwali kang Cristo nga gilansang sa krus, nga alang sa mga Judio usa ka kapandolan ug alang sa mga Gentil usa ka binuang.

1 Mga Taga-Corinto 1:25

Kay ang binuang sa Dios labaw pa ka maalamon kay sa mga tawo, ug ang kahuyang sa Dios labaw pa ka kusgan kay sa mga tawo.

1 Mga Taga-Corinto 10:12

Busa, ang naghunahuna nga siya nagbarog angay nga magbantay kay tingali unya ug mapukan siya.

1 Mga Taga-Corinto 2:14

Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.

1 Mga Taga-Corinto 2:3

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

1 Mga Taga-Corinto 3:18

Kinahanglang walay usa nga maglimbong sa iyang kaugalingon. Kon aduna kaninyoy maghunahuna nga siya maalamon niining panahona, kinahanglang magpakabuang siya aron mahimo siyang maalamon.

1 Mga Taga-Corinto 3:2

Gatas ang akong gihatag kaninyo ug dili gahi nga pagkaon kay kamo dili pa man andam niini ug bisan gani karon, kamo dili pa gihapon andam,

1 Mga Taga-Corinto 4:8

Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 11:19

Kay sa inyong pagkamaalamon, malipayon kamong nagpailob sa mga buangbuang!

2 Mga Taga-Corinto 11:29

Kinsa bay huyang ug ako dili usab huyang? Kinsa bay napandol ug ako wala mosilaob?

2 Mga Taga-Corinto 13:9

Kay kami malipay sa diha nga kami huyang ug kamo lig-on. Ug kami nag-ampo usab niini nga kamo magmahingpit.

2 Mga Taga-Corinto 4:12

Busa dinhi kanamo naglihok ang kamatayon, apan diha kaninyo ang kinabuhi.

2 Mga Taga-Corinto 6:8

diha sa kadungganan ug sa kaulawan, diha sa mga sulti sa pagdaot ug sa pagdayeg. Kami giisip nga mga limbongan, bisan pa niana mga matinud-anon;

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

1 Pedro 4:14

Kon kamo pakaulawan tungod sa ngalan ni Cristo, bulahan kamo kay ang espiritu sa himaya ug sa Dios anaa kaninyo.