1 Mga Taga-Corinto 3:6

Ang Biblia 2011

Ako ang nagtanom, si Apolos ang nagbisibis, apan ang Dios ang nagpatubo.

Cross References

Salmo 127:1

Gawas kon ang Ginoo ang magtukod sa balay, kawang lamang ang kahago niadtong mga nagtukod niini. Gawas kon ang Ginoo ang magbantay sa siyudad, kawang lamang ang pagtukaw sa tawo nga nagbantay.

Salmo 62:11

Ang Dios nagsulti sa makausa; makaduha ako makadungog niini: nga ang gahom iya sa Dios;

Salmo 62:9

Ang mga tawo nga ubos ug kahimtang usa lamang ka gininhawa, ang mga tawo nga taas ug kahimtang usa lamang ka lamat; diha sa mga timbangan, sila mosaka; sila gaan pa kay sa gininhawa.

Mga Panultihon 11:25

Ang tawo nga manggihatagon magmauswagon, ug ang nagbisibis bisibisan usab.

Isaias 61:11

Kay ingon nga ang yuta nagpagitib sa iyang turok, ug ingon nga ang tanaman nagpaturok sa mga gitisok niini, ang Ginoong Dios usab magpaturok sa pagkamatarong ug pagdayeg sa atubangan sa tanan nga kanasoran.

Mga Buhat 11:18

Sa ilang pagkadungog niini, sila mihilom. Ug ang Dios ilang gidayeg nga nag-ingon, “Sa mga Gentil ang Dios naghatag usab ug paghinulsol ngadto sa kinabuhi.”

Mga Buhat 14:27

Ug sa pag-abot nila didto, ilang gitigom ang iglesia ug gisugilon ang tanang gibuhat sa Dios kanila, ug giunsa niya sa pag-abli ug pultahan sa pagtuo ngadto sa mga Gentil.

Mga Buhat 16:14

Ug usa sa naminaw kanamo mao ang usa ka babaye nga ginganlan ug Lydia nga taga-lungsod sa Tiatira, nga tigbaligya ug mga mahalong panapton nga tapol. Siya masimbahon sa Dios, ug ang iyang kasingkasing giablihan sa Ginoo aron sa pagpamati sa gisulti ni Pablo.

Mga Buhat 18:24

Niadtong panahona miabot sa Efeso ang usa ka Judio nga ginganlan ug Apolos, lumad sa Alejandria. Siya usa ka tawo nga maayong manulti ug batid sa kasulatan.

Mga Buhat 19:1

Samtang didto si Apolos sa Corinto, si Pablo miagi sa mga kayutaan sa ibabaw ug miabot sa Efeso diin iyang gikatagbo ang pipila ka tinun-an.

Mga Buhat 21:19

Human siya makapangumosta kanila, iyang gitagsatagsa pagsugilon kanila ang mga butang nga nahimo sa Dios taliwala sa mga Gentil pinaagi sa iyang pagpangalagad.

Roma 15:18

Kay dili ako mangahas sa paghisgot ug bisan unsa gawas sa gibuhat ni Cristo pinaagi kanako aron magmasinugtanon ang mga Gentil, pinaagi sa pulong ug buhat.

1 Mga Taga-Corinto 1:12

Ako nagsulti niini karon kay ang matag usa kaninyo nag-ingon, “Ako iya ni Pablo,” o “Ako iya ni Apolos,” o “Ako iya ni Cefas,” o “Ako iya ni Cristo.”

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 3:22

bisan si Pablo o si Apolos o si Cefas o ang kalibotan o ang kinabuhi o ang kamatayon o ang mga butang karon o ang umaabot, ang tanan inyo,

1 Mga Taga-Corinto 3:7

Sa ingon niana, ang mahinungdanon dili ang nagtanom o ang nagbisibis, kondili ang Dios nga nagpatubo.

1 Mga Taga-Corinto 9:1

Dili ba ako gawasnon? Dili ba usa ako ka apostol? Wala ba ako makakita kang Jesus nga atong Ginoo? Dili ba kamo akong buhat diha sa Ginoo?

Mga Taga-Efeso 3:17

ug aron si Cristo magpuyo diha sa inyong mga kasingkasing pinaagi sa pagtuo, aron kamo, ingon nga mga pinagamot ug pinasukad diha sa gugma,

1 Mga Taga-Tesalonica 1:5

kay ang among Maayong Balita miabot kaninyo dili diha sa pulong lamang, kondili diha usab sa gahom ug sa Espiritu Santo ug sa dakong pagsalig. Kamo nasayod unsa kaming matanga diha sa inyong taliwala tungod kaninyo.