1 Mga Taga-Corinto 3:3

Ang Biblia 2011

kay kamo unodnon pa man gihapon. Kay samtang anaa pa kaninyo ang kasina ug ang panag-away, dili ba unodnon kamo ug nagkinabuhi sumala sa pagkatawhanon?

Cross References

Oseas 6:7

Apan didto sa Adam gilapas nila ang kasabotan, didto nagmaluibon sila kanako.

Roma 13:13

Ingon nga anaa sa kahayag, magkinabuhi kita nga ligdong, dili sa pagpatuyang ug sa paghubog, dili sa mga salawayong pakighilawas ug mga kalaw-ayan, dili sa pagpakig-away ug kasina.

1 Mga Taga-Corinto 1:10

Apan ako naghangyo kaninyo, mga igsoon, pinaagi sa ngalan sa atong Ginoong Jesu-Cristo, nga unta kamong tanan magkauyon ug diha kaninyo walay pagkabahin, kondili mausa unta hinuon kamo diha sa samang hunahuna ug samang panabot.

1 Mga Taga-Corinto 1:11

Kay gisuginlan man ako sa mga tawo ni Cloe nga adunay panagbingkil diha kaninyo, mga igsoon ko.

1 Mga Taga-Corinto 11:18

Kay una sa tanan, sa dihang magtigom kamo ingon nga iglesia, nakadungog ako nga adunay mga pagkabahinbahin diha kaninyo ug nagtuo ako nga may pagkatinuod kini.

1 Mga Taga-Corinto 3:4

Kay sa diha nga ang usa moingon, “Ako iya ni Pablo,” ug ang usa, “Ako iya ni Apolos,” dili ba tawhanon man kamo?

2 Mga Taga-Corinto 12:20

Kay ako nahadlok nga inig-abot nako diha tingali ug makaplagan ko kamo sa kahimtang nga dili nako buot, ug nga makaplagan ako ninyo sa kahimtang nga dili ninyo buot. Tingalig makaplagan ko kamo nga may panaglalis, kasina, kapungot, pag-iya-iya, mga pagdinaotay sa dungog, linibakay, pagpanghambog ug kagubot.

Mga Taga-Galacia 5:15

Apan kon kamo magpinahitay ug magtinukbanay sa usa ug usa, pagbantay kamo nga dili kamo mahurot pinaagi sa usa ug usa.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

Santiago 3:16

Kay diin gani anaa ang kasina ug ang hinakog nga tinguha anaa usab ang kagubot ug ang tanang ngil-ad nga buhat.

1 Pedro 4:2

aron nga magkinabuhi sa nahibilin nga panahon diha sa unod dili na sumala sa tawhanong mga pangibog kondili sumala sa kabubut-on sa Dios.