1 Mga Taga-Corinto 3:18

Ang Biblia 2011

Kinahanglang walay usa nga maglimbong sa iyang kaugalingon. Kon aduna kaninyoy maghunahuna nga siya maalamon niining panahona, kinahanglang magpakabuang siya aron mahimo siyang maalamon.

Cross References

Mga Panultihon 26:12

Nakakita ba ikaw ug usa ka tawo nga maalamon sa iyang kaugalingong mga mata? Aduna pay paglaom ang buangbuang kay kaniya.

Mga Panultihon 3:5

Salig sa Ginoo sa tibuok nimong kasingkasing ug ayaw pagsalig sa imong kaugalingong salabotan.

Mga Panultihon 3:7

Ayaw pagmaalamon sa imong kaugalingong mga mata; kahadloki ang Ginoo, ug palayo gikan sa daotan.

Mga Panultihon 5:7

Busa karon, O mga anak, pamati kanako, ug ayaw pagbiya gikan sa mga pulong sa akong baba.

Isaias 44:20

Siya nagkaon sa mga abo; usa ka linimbongan nga kasingkasing nakapahisalaag kaniya, ug siya dili makaluwas sa iyang kalag o makaingon, “Wala bay bakak sa akong tuo nga kamot?”

Isaias 5:21

Alaot kadtong mga maalamon diha sa ilang kaugalingong mga mata, ug mga utokan diha sa ilang kaugalingong panan-aw!

Jeremias 37:9

Mao kini ang giingon sa Ginoo: Ayaw ninyo limbongi ang inyong kaugalingon, nga mag-ingon, “Ang mga Caldeanhon magpalayo gayod kanato,” kay dili sila mobiya.

Jeremias 8:8

“Unsaon ninyo pag-ingon, ‘Kami mga maalamon, ug ang Balaod sa Ginoo ania kanamo’? Apan ang bakakon nga dagang sa mga eskriba nagbuhat niini nga bakak.

Mateo 13:22

Mahitungod niadtong nahisabod diha sa kasampinitan, kini mao kadtong nakadungog sa pulong apan ang mga kabalaka niining kalibotana ug ang gugma sa bahandi magtuok sa pulong ug kini dili makapamunga.

Mateo 18:4

Busa si bisan kinsa nga magpaubos sa iyang kaugalingon sama niining gamayng bata, siya mahimong labing dako sa gingharian sa langit.

Marcos 10:15

Sa pagkatinuod, sultihan ko kamo nga si bisan kinsa nga dili modawat sa gingharian sa Dios sama sa pagdawat sa usa ka gagmayng bata, dili gayod siya makasulod niini.”

Lucas 18:17

Sa pagkatinuod, moingon ako kaninyo, si bisan kinsa nga dili modawat sa gingharian sa Dios sama sa gamayng bata, dili makasulod niini.”

Lucas 21:8

Ug siya mitubag, “Pagbantay kamo nga dili kamo masaag kay daghan unya ang motungha dinala ang akong ngalan nga moingon, ‘Ako mao!’ ug ‘Ang panahon nagkaduol na!’ Ayaw kamo pagsunod kanila.

Roma 11:25

Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,

Roma 12:16

Pagsinabtanay kamo sa usa ug usa; ayaw pagmapahitas-on, hinuon pakig-uban sa mga ubos ug kahimtang; ayaw pagpakamaalamon diha sa inyong kaugalingon.

1 Mga Taga-Corinto 15:33

Ayaw kamo pagpahisalaag, “Ang daotang pakig-uban makadaot sa maayong pamatasan.”

1 Mga Taga-Corinto 3:17

Kon adunay moguba sa templo sa Dios, siya gub-on sa Dios. Kay ang templo sa Dios balaan, kana mao kamo.

1 Mga Taga-Corinto 4:10

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

Mga Taga-Galacia 6:3

Kay kon adunay maghunahuna nga siya mahinungdanon bisan siya walay bili, siya naglimbong sa iyang kaugalingon.

Mga Taga-Galacia 6:7

Ayaw kamo palimbong; ang Dios dili kabugalbugalan, kay bisan unsay ipugas sa tawo, mao usab kana ang iyang anihon.

Mga Taga-Efeso 5:6

Ayaw kamo pailad ni bisan kinsa pinaagi sa mga sulti nga walay kapuslanan, kay tungod niining mga butanga ang kapungot sa Dios moabot diha sa mga tawong masupilon.

2 Timoteo 3:13

Apan ang mga tawong daotan ug ang mga tigpakaaron-ingnon mosamot pa sa pagkadaotan, manglimbong ug malimbongan.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

Santiago 1:22

Apan kinahanglan nga magbuhat kamo sa pulong ug dili kay tigpaminaw lamang nga sa ingon gilimbongan ninyo ang inyong kaugalingon.

Santiago 1:26

Kon adunay naghunahuna nga siya matinuohon apan wala magpugong sa iyang dila hinuon naglimbong sa iyang kaugalingong kasingkasing, ang iyang tinuohan kawang.

1 Juan 1:8

Kon kita mag-ingon nga wala kitay sala, gilimbongan nato ang atong kaugalingon ug wala kanato ang kamatuoran.