1 Mga Taga-Corinto 3:15

Ang Biblia 2011

Ug kon ang buhat ni bisan kinsa masunog ra, siya mag-antos sa kapildihan apan siya maluwas ingon nga nakalatas sa kalayo.

Cross References

Job 23:10

Apan nahibalo siya sa dalan nga akong gisubay; sa diha nga ako masulayan na niya, mogula ako ingon sa bulawan.

Salmo 66:10

Kay ikaw, O Dios, nagsulay kanamo; gisulayan nimo kami ingon nga ang plata gisulayan.

Salmo 66:12

ikaw mitugot nga ang mga tawo mangabayo ibabaw sa among mga ulo; milatas kami sa kalayo ug sa tubig, apan ikaw nagdala kanamo ngadto sa kadagaya.

Amos 4:11

“Akong gilumpag ang pipila kaninyo, sama sa paglumpag sa Dios sa Sodoma ug sa Gomora ug sama kamo sa mga agipo nga gikuha gikan sa kalayo; apan bisan pa niana, kamo wala mobalik kanako,” nag-ingon ang Ginoo.

Zacarias 3:2

Ug ang Ginoo miingon kang Satanas, “Ang Ginoo nagbadlong kanimo, O Satanas! Ang Ginoo nga nagpili sa Jerusalem nagbadlong kanimo! Dili ba kini usa ka agipo nga gikuha gikan sa kalayo?”

Mga Buhat 27:21

Ug kay dugay na man nga wala silay kaon, si Pablo mitindog sa ilang taliwala ug miingon, “Mga higala, namati pa lang unta kamo kanako ug wala unta molawig gikan sa Creta, kalikayan unta kining kadaot ug kapildihan.

Mga Buhat 27:44

ug ang mga nahibilin nag-abay ug mga tabla o sa mga gubang bahin sa barko. Busa ang tanan nakalingkawas ngadto sa mamala.

1 Pedro 4:18

Ug “Kon ang matarong lisod man ganing maluwas, unsa pa kaha ang mga dili diosnon ug makasasala?”

2 Juan 1:8

Bantayi ninyo ang inyong kaugalingon nga dili kamo mawad-an sa mga butang nga inyong gihagoan, kondili nga makadawat kamo sa hingpit nga ganti.

Judas 1:23

luwasa ninyo ang uban pinaagi sa pagsakmit kanila gikan sa kalayo, ang uban kaluy-i ninyo uban sa kahadlok, dumtan bisan pa ang bisti nga nabulingan sa ilang lawas.

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.