1 Mga Taga-Corinto 3:10

Ang Biblia 2011

Sumala sa grasya sa Dios nga gihatag kanako, ingon sa usa ka batid nga magtutukod, ako nagpahimutang sa patukoranan, apan laing tawo ang nagtukod ibabaw niini. Apan patan-awa ang matag usa kon unsaon niya sa pagtukod ibabaw niini.

Cross References

2 Cronicas 2:12

Si Hiram miingon usab, “Dalaygon ang Ginoo, ang Dios sa Israel nga nagbuhat sa langit ug sa yuta, nga mihatag kang Hari David sa usa ka maalamon nga anak nga lalaki nga gihatagan ug kaligdong ug panabot, nga magtukod sa usa ka templo alang sa Ginoo, ug usa ka harianong balay alang sa iyang kaugalingon.

Exodo 36:4

Busa ang tanang tawo nga may katakos nga nagbuhat sa tanang matang sa buluhaton sa balaang puluy-anan miadto, ang matag usa gikan sa buluhaton nga iyang gibuhat.

Mga Panultihon 12:8

Ang usa ka tawo dayegon sumala sa iyang maayong hunahuna, apan kadtong sukwahi ug hunahuna tamayon.

Mga Panultihon 9:1

Ang kaalam nagtukod sa iyang balay, nagtabas siya sa pito niya ka haligi.

Ecclesiastes 12:9

Gawas sa pagkamaalamon, ang Magwawali nagtudlo usab sa katawhan ug kahibalo, nagsusi ug nagtuon ug naghan-ay sa mga panultihon nga maampingon.

Daniel 12:3

Ug kadtong mga maalamon modan-ag sama sa kasanag sa wanang sa kalangitan, ug kadtong nagkabig sa daghan ngadto sa pagkamatarong, sama sa mga bituon hangtod sa kahangtoran.

Zacarias 4:9

“Ang mga kamot ni Zerubabel nagbutang sa patukoranan niining balaya, ang iyang mga kamot maoy maghingpit niini. Unya ikaw makaila nga ang Ginoo sa mga panon maoy nagpadala kanako nganhi kanimo.

Mateo 24:45

“Kinsa ba ang kasaligan ug maalamon nga ulipon nga gitudlo sa iyang agalon sa pagdumala sa panimalay niini aron paghatag kanila sa ilang pagkaon sa hustong panahon?

Mateo 7:24

“Busa bisan kinsa nga mamati niining akong mga pulong ug magbuhat niini, mahisama sa usa ka tawong maalamon nga nagtukod sa iyang balay ibabaw sa bato.

Lucas 11:35

Busa pagmatngon, kay tingali unya ug ang kahayag nga anaa kanimo kangitngit diay.

Lucas 21:8

Ug siya mitubag, “Pagbantay kamo nga dili kamo masaag kay daghan unya ang motungha dinala ang akong ngalan nga moingon, ‘Ako mao!’ ug ‘Ang panahon nagkaduol na!’ Ayaw kamo pagsunod kanila.

Mga Buhat 18:27

Sa dihang nagtinguha siya sa pagtabok ngadto sa Acaya, ang mga kaigsoonan midasig kaniya ug misulat sa mga tinun-an didto aron abiabihon siya. Sa pag-abot na niya didto, nakatabang siya ug dako sa mga mituo pinaagi sa grasya,

Roma 1:5

Pinaagi kaniya nadawat nato ang grasya ug ang pagkaapostol alang sa pagkamasinugtanon diha sa pagtuo taliwala sa tanang kanasoran tungod ug alang sa iyang ngalan.

Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

Roma 15:15

Apan mahitungod sa pipila ka butang nagsulat ako kaninyo nga maisogon agig pagpahinumdom kaninyo, tungod sa grasya nga gihatag kanako sa Dios

Roma 15:20

Busa maoy akong tinguha ang pagwali sa Maayong Balita, dili sa mga dapit diin nailhan na ang ngalan ni Cristo aron dili ako magtukod ibabaw sa patukoranan nga gipahiluna sa laing tawo,

1 Mga Taga-Corinto 3:11

Kay wala nay laing patukoranan nga ikapahimutang pa ni bisan kinsa gawas sa gikapahimutang na, nga mao si Jesu-Cristo.

1 Mga Taga-Corinto 9:2

Kon alang sa uban dili ako apostol, apan alang kaninyo apostol gayod ako, kay kamo mao man ang selyo sa akong pagka-apostol sa Ginoo.

2 Mga Taga-Corinto 10:15

Wala kami magpasigarbo lapaw sa among sukod diha sa mga hinagoan sa ubang tawo. Hinuon ang among paglaom mao nga sa diha nga magtubo ang inyong pagtuo, modako unta ang luna sa among paghago diha kaninyo,

Mga Taga-Efeso 2:20

Kamo mga tinukod ibabaw sa patukoranan nga mao ang mga apostoles ug mga propeta, nga niini si Jesu-Cristo mao ang bato nga patukoranan.

Mga Taga-Colosas 1:29

Alang niini ako naghago, nanglimbasog sumala sa kusog nga iyang gihatag nga naggahom sa sulod nako.

Mga Taga-Colosas 4:17

Ug ingna si Arquipo, “Bantayi nga matuman nimo ang buluhaton nga imong nadawat diha sa Ginoo.”

1 Mga Taga-Tesalonica 3:2

ug among gipadala si Timoteo, nga among igsoon ug kaubang magbubuhat sa Dios diha sa Maayong Balita mahitungod kang Cristo, alang sa paglig-on kaninyo ug sa pagdasig kaninyo sa inyong pagtuo,

1 Timoteo 4:16

Bantayi ang imong kaugalingon ug ang imong pagpanudlo. Padayon niini, kay sa imong pagbuhat niini maluwas nimo ang imong kaugalingon ug ang mga namati kanimo.

2 Timoteo 2:15

Paningkamoti pag-ayo ang pagpakita sa imong kaugalingon ngadto sa Dios ingon nga iyang nahimut-an, usa ka magbubuhat nga dili maulaw, nga sa hustong paagi magpasabot sa pulong sa kamatuoran.

Santiago 3:1

Mga igsoon ko, dili kinahanglan nga daghan kaninyo ang mahimong mga magtutudlo kay nahibalo man kamo nga labaw ka higpit ang paghukom nga atong madawat.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

2 Pedro 3:15

Ug isipa ninyo nga kaluwasan ang pagkamainantoson sa Ginoo. Mao usab ang atong hinigugmang igsoon nga si Pablo, nagsulat siya kaninyo sumala sa kaalam nga gihatag kaniya,

Gipadayag 21:14

Ug ang paril sa siyudad may napulo ug duha ka patukoranan, ug diha kanila ang mga ngalan sa napulo ug duha ka apostoles sa Nating Karnero.

Gipadayag 21:19

Ang mga patukoranan sa paril sa siyudad gidayandayanan sa tanang matang sa mga batong mahalon, ang una haspe, ang ikaduha sapiro, ang ikatulo kalsidonya, ang ikaupat esmiralda,